عمرو وهبة لزوجته في عيد زواجهم الـ16: "مراتي رجولة" ( صور)

وجه الفنان عمرو وهبة، رسالة حب وامتنان إلى زوجته، في عيد زواجهما الـ 16، وكتب "وهبة" منشورًا على حسابه الشخصى بموقع التواصل الاجتماعي، فيسبوك.

وقال عمرو وهبة: "النهاردة كده ما شاء الله كملنا ١٦ سنة مع بعض.. أنا عارف إن كلمة رجولة بتبقى غريبة لما تتقال على بنت.. بس الصراحة هي الكلمة الوحيدة المعبرة عن اللى بتعمله معايا طول عمرها".

عمرو وهبة ورسالته لزوجته

وتابع عمرو وهبة: "أنا لما كان نفسي أسيب شغلي عشان أحقق حلمي وأمثل وقولتلها مش هينفع أعمل كده عشان مصاريف البيت.. قالتلي لو هتبقى مبسوط سيبه وحاول في اللى بتحبه وأنا متأكدة إنك موهوب وهتنجح.. ولو اتزنقنا أنا بشتغل وهصرف أنا لحد ما الدنيا تمشي.. صحيح من ساعتها هي اللى بتصرف فعلًا.. بس كان موقف نبيل الصراحة هي أكيد ندمانة عليه دلوقتي".

كان آخر أعمال عمرو وهبة ، مسلسل "فى بيتنا روبوت"، في دور "لذيذ" الروبوت، وشاركه البطولة ليلى زاهر، وشيماء سيف، وهشام جمال، وعلى مستوى السينما، ظهر في شخصية موظف بنك في فيلم "واحد تاني" مع أحمد حلمي، وضيف شرف في فيلم "تسليم أهالي"، الذي يعرض في السينمات حاليا، بطولة دنيا سمير غانم وهشام ماجد.

بداية عمرو وهبة

عمرو وهبة مواليد مدينة بورسعيد عام 1985، وتخرج في كلية اللغات والترجمة بجامعة الأزهر، لم يعمل بالتمثيل بعد تخرجه مباشرة، بل عمل في شركة اتصالات كمسوق، ثم عمل عمرو وهبة في مجال الكتابة الساخرة، وأصبح ضمن فريق الكتابة للبرنامج الساخر الذي يقدمه المذيع أكرم حسنى، ليذيع صيته أكثر وينضم لفريق كتابة برنامج البلاتوه ثم برنامج الشهير أبله فاهيتا.

كل هذا قبل ظهوره كممثل، قدم فيديوهات باسم ( الموظف المثالي – نجوم بتحب مصر ) وهي فيديوهات كوميدية، ولاقت نجاحًا كبيرًا، خاصة بعدما بدأ في تصوير فيديوهات تمثيل بنفسه، وليظهر بعدها لأول مرة في برنامج snl بالعربي في موسميه الثالث والرابع حتى عام 2016، ليظهر كممثل حقيقي عام 2018 في مسلسل كلبش 2.