وأضاف :" عنلوا استغاثة اقرب سفينة ليهم كانت ع بعد ١٢ساعة منهم بعد ساعة من غرق السفينة وقع سامح من علي الزورق ف المياه والموج اخده بعيد عن الزورق حاول صاحبه القبطان محمد جمال يلحقه بس للاسف البحر اخد الاتنين كانوا لابسين لايف جاكيت وبعدوا عن المركب بعد ١٠ساعات من الحادث الزورق باظ وبعدها بساعتين السفينة جت اخدت ال ١٠ الفاضلين من ال ١٢ شخص اللي كانوا ع الزورق في سامح ومحمد مش موجودين ولا لقيوا حتي جسسهم مش طالبين غير ان الناس تقف معانا عاوزين صاحبنا واخونااا حتي لو جثته ي جدعااان ساعدونااا اللي يعرف حد يكلمه الراجل ده ولد وحيد امه وامه بتموت عليه لا عارفين هو عايش ولا ربنا توفاه.
"المركب اتخرمت ومش عايزين ينزلونا".. أخر كلمات القبطان المصري قبل غرقه في المحيط الهادئ.. "فيديو"
الخميس، 21 يوليو 2022 12:00 م
أحمد سامي و إسلام ناجي
ضجّة واسعة أثارها الإعلان عن فقدان القبطان المصري سامح سعيد على متن قارب في عرب المحيط الهادي، حيث ناشدت عائلة سامح إنقاذ حياة ابنهم ولكن دون التوصل إلى نتائج جيدة.
ونشر شقيقه، عبر صفحته الشخصية على "فيسبوك": “أخويا مفقود في عرض البحر وفاضل يومين على إنه يقدر يعيش من غير لا أكل ولا شرب ومحدش بيتحرك".
وقال صديقه محمود راغب:" بعد إذن الناس كله يعمل شير حق أخونا وصاحبنا القبطان سامح سيد شعبان كامل خريج دفعة 2021/2020 من الأكادمية البحرية الأردنية، شاب من الشباب المحبوبة والفئة المتوسطة داخل محافظة الفيوم، دخل الكلية زي أي حد واتخرج وجه أخد شغل على مركب تجارية سافرت بيه شهر 2، بيتواصل معانا كل فترة من الفترات عادي".
وأضاف : "الشهر اللي فات بعتلنا أنا المركبة اتخرمت وبايظة والناس مش عاوزين ينزلوهم ومكملين بيهم وبيلحموا السفينة، طبعا اتجاهم ركبوا من اليابان وبعدين راحوا كوريا والصين، المهم كذا بلد لحد جزر المالديف والسفينة اتخرمت طبعا، وعملوها وتتخرم، المهم إن سامح مصورلنا كل حاجة صوت وصورة، والمركب بتدخل مياه، جم يوم 6/20 عملوا مشاكل مع القبطان وراجعوا واحد مصري من الإسكندرية من كتر المشاكل اللي عملوها، يوم 7/14 غرقت المركب كانوا 12 واحد فى المياه نزلوا فى زورق فى المياه ف نص المحيط الهندي".
