رسالة مؤثرة من مروة هشام بركات لوالدها: شهيد حي مازال يعلمنا حب الوطن

كتبت مروه هشام بركات أبنة البطل الشهيد هشام بركات النائب العام الأسبق رسالة مؤثرة منذ قليل عبر حسابها الرسمي على "الفيس بوك"، في يوم الشهيد، وقالت في بداية الكلام: في يوم الشهيد.. الشهيد ده لقب كبير ومش كلمة سهلة ينفع نعديها! شهيد يعنى شخص قرر يستغنى عن كل حاجة عشان بلده. شهيد يعنى عيلة بحالها عايشة بتتوجع كل ثانية على فراق الغاليين.. شهيد يعنى ام مابتنامش الليل واب قلبه محروق واخوات حياتهم فاضية من غير الأخ.. شهيد يعنى اب وام ربوا وكبروا وشافوا ابنهم راجل ادامهم بيضحى بدمه عشان البلد وراضيين ومش متذمرين ".

وأختتمت مروه هشام بركات رسالتها قائلة:" كلمة شهي..  كلمة تقيلة لها وزنها ولازم تفهموا ان اللى بيموتوا وبيفدوا مصر دول مش مجرد ارقام فى قايمة نشوفها ونقول الله يرحمهم، لأ دى كلمة معناها ان لولا الشهدا دول ماكنش بقي فيه مصر..  قلتها لما استشهد والدي. مصر ليها كتير بس انامكنش ليا غيره.. فعلا مكنش ليا غيره ومصر كمان ملهاش غير رجالتها... ولاد_بلدك_رجال شعور بالفخر والقوه مقترن بوفاه القلب كون انى بنت البطل الشهيد، كل التحية الى روح والدي البطل وكل  شهيد فى بطن الارض حى مازال يعلمنا كيف نحب الوطن".