مؤسس بلاها فرح«هدفي من الحملة اسقاط الحرج من النظرة المجتمعية الجاهلة»

قال الدكتور احمد حنفى مؤسس حملة بلاها فرح انه تم اطلاق الحملة أول أمس وأنه لا توجد علاقة بينها وبين حملة بلاها شبكة وانه لا يسير على خطى أحد وان احد اهداف الحملة تقليل المبالغة فى بلاها شبكة لانه من الممكن الاستغناء عن الفرح اما الشبكة فهى ضرورة .

واضاف حنفى ان الهدف من اطلاق الحملة هو اسقاط الحرج من النظرة المجتمعية الجاهلة ,اضافة الى التقليل من تكاليف الزفاف الباهظة التى قد تصل الى مائتى الف جنيها مما يزيد من الاعباء المالية التى تفوق مستلزمات الزواج , مشيرا أن الحملة ستمنع كل المشاكل المتعلقة بالزواج وان الدول المتقدمة لا يوجد بها افراح فمبجرد خروح العروس من الكنيسة تقوم بالقاء بوكية الورد على الاصدقاء فقط

واكمل حنفى قائلا "وفر فلوس الفرح واعمل بيها شهر عسل , مش هقولك بلاها شبكة لا وفر فلوس الفرح واشترى بيها شبكة"

واشار حنفى أن الفرحة ليست الدى جى والقاعة الفخمة والاضاءة ,موضحا ان هناك اقبال على الحملة من قبل نشطاء فيس بوك حيث قام احد الشباب بمحافظة الوادى الجديد بالانضمام للحملة والغاء الفرح وقام بعمل مشروع عطارة بمصاريف الفرح
كما قام اتحاد تنمية مصر بنشر الحملة فى جميع المحافظات وانه سيقوم بارسال مذكرة لوزارة الاوقاف حتى تكون خطبة الجمعة عن تكاليف الزواج الباهظة وعن الحملة والتى هدفها تيسير الزواج

اما عن اهداف الحملة فاكمل قائلا
"علشان مافيش مبرر فى الدنيا يخلى ليلة تمنها بيعدى ال10 آلالاف جنيه فى ليلة وهتعدى زى اى ليلة ممكن العروسين يفتحو بيهم مشروع صغير ويفرحوا فى ليلة عائلية جميله للعائلتين والموضوع يتلم
اعمل فرح واعزم اصحابك بس #بلاها_فرح يخليك تصرف 10000 جنيه واكتر علشان تقول انا بفرح ومحدش بيحس بتعبك وتعب اهلك فى سداد التزمات كتير
3- فى ناس بتتداين بسبب ليلة وهتعدى وهما اولى بالفلوس دى واحيانا بتقلب بنكد بعد اول ليلة زواج
منظرة كدابة ومش ليها لازمة والاغراب بيتفرجو على العائلات وبيتكلمو على بعض احنا فى غنى عن الكلام دا الافراح مش بقت زى زمان فى احترام
5- لفت نظرنا مؤخرا ان فى افراح الشباب بيقلع التشيرتات والبنطلونات وبيرقص بالشورتات وطبعا مش هتقدر تمنع حد من ليلة العمر اللى فيها اخواتك البنات والمدام بتاعتك وبناتك بيتفرجو على الزبالة اللى بتحصل الايام دى
مش من الشياكة ان ابن عمك ولا ابن خالك يعزم اصحابة وفي منهم الكويس وفى منهم اللى جاى بيدور على سجارة حشيش ويتفرج على اهلك وخاصة فى بعض المناطق الشعبية انتو عارفين ايه اللى بيحصل كل دا مالوش اى مردود على سعادة الزوجين غير فلوس وبتترمى
بكرر خلى فرحك بالشكل اللى يليق بيك وبعيلتك وانتى اولى باى مصاريف زيادة انت ومراتك خدها فسحها فى اى مكان فى العالم انتو الاتنين بس تتتمتعو بحياتكم بلاش افورة فى الافراح
الاكل والشرب فى الافراح مش زى زمان لان الاصل فى المسألة انك تعزم الفقراء وتطعمهم وتفرح الاطفال الايتام دى هى الفرحة الجميلة ومش تبخل فى كدا
لكن اسراف وتبذير دون جدوى واكل بيترمى فى الارض وفى الاخر (( مش هتتستر )) والناس هتتكلم عن اكلك حتى لو عملت ايه لان الناس هتقارنك بغيرك لاء وعلى ايه بلاها وخليها مقتصرة على العائلتين
اعرف ناس وقفو جواز بسبب ليلة العمر بيكون اهل العريس عايزين الفرح فى فندق سميراميس واهل العروسة عايزينو فى الموفينبيك ويختلفو مع بعض وفركش
فى عائلات بتدخل فى خصومات بسبب الجاتوهات والكلام الفاضى ومين جاب ومين ماجبش
مدخلناش لا دين ولا سياسة فى الحملة دى علشان مش هنسمح لاى حد يلعب على الوتر دا الشباب اولى باى مصاريف والمفروض الشاب بيحتاج فى اول طريق حياته والاهل بيتعبو على ما يوصولو للمرحلة دى والجواز والسعادة كلها مش فى ليلة يتصرف عليها مبالغ ضخمة وصلت دلوقتى لل200 الف وزيادة وممكن الموضوع مش يستمر لا قدر الله
متكلمناش فى افراح المجالات ولا اللى بيجيبو مغنيين ولا قاعات تاجير الافراح ولا اى حاجه لان الكل عارف كدا (( بس اللى محدش يعرفة ان فى شباب كتير بتأجل وخايفة بسسب انه شايل هم مصاريف ليلة العمر )) اللى هيا ليلة وهتعدى زى اى يوم"