أمين الصندوق الاجتماعي للنواب: «الشباب هيفضل خايف مننا»

قالت سها سليمان الأمين العام للصندوق الاجتماعى للتنمية، خلال حديثها عن أهم معوقات الشباب للتعامل مع الدولة وقطاع الرسمي خلال كلمتها باجتماع لجنة المشروعات الصغيرة والمتوسطة ومتناهية الصغر بالبرلمان، اليوم الإثنين: "الشباب هيفضل خايف مننا ومن القطاع الرسمي طول ما احنا بنعرضله العيوب قبل المميزات في الدعم، طول ما احنا بنقوله هتدفع ضرايب كذا، وما بنقلوش الحوافز إيه، لو احنا أعفينا الضرائب عن عدد من المشروعات الصغيرة اللي ليها ظروف خاصة، أحسن ما ييجى وقت علينا كمان 5 سنين، ما نشوفش الشباب خالص بيتعاملوا معانا".

وأضافت سليمان، أن الصندوق يتعامل مع 16 بنكًا و450 جمعية أهلية لدعم الشباب، إلى جانب الدعم الفني لأصحاب المشروعات، وعمل ما يقرب من 80 معرضًا بسلسلة كبيرة من المحافظات، متابعة: "عملنا بروتوكولات تعاون مع أرض الخير فى الوادى الجديد وجنوب سيناء، عبارة عن تمليك الشباب لرؤوس الماشية، وندعمهم بقروض، والجمعية مسؤولة عن جلب المشترى".