إنجى وجدان لمنتقدى وزنها: «انتو ولا فارقين معايا»

نشرت الفنانة إنجي وجدان عبر صفحتها الرسمية على «فيسبوك» صورة لها، وعلقت عليها بقولها: «الصورة دي مع إنها مش أحسن صورة ليا الفترة ديه، إهداء لكل واحد أو واحدة بيتريقوا على جسمي».

وأضافت: «ده شكلي اليومين دول بعد ما خلفت، اللذيذ بقى في الموضوع إن أنا مش فارق معايا الناس إللي عمالة تعلق».

وتابعت: «أنا واحدة حملت وخلفت وتخنت في الحمل جامد عادي إيه المشكلة؟ وبعدين أنا حرة وحابة نفسي في أي شكل، أنا ممكن يفرق معايا الناس إللي تعلق على شخصيتي، لكن وزني لأ ولا يفرق معايا، وبعدين هو كل واحدة جسمها مش موديل تبقى وحشة؟ إيه السخافة ديه».

واختتمت: «دى رسالة لكل بنت، أنت جميلة زي ما أنت كده، وإللي مش عاجبه يتفلق، استمتعي بحياتك الواحدة بتعيش مرة واحدة بس».