السيسي:حد تصور أن مشكلة الطاقة تنتهى فى سنة

قال الرئيس عبدالفتاح السيسي، منذ قليل، إن "اللي وقع الطائرة الروسية فوق سيناء كان يقصد ضرب السياحة، مضيفًا: "القصد الحقيقي من الحادث ضرب العلاقة مع روسيا لعزل مصر عن العالم".

وأضاف السيسي،أن مشكلة الطاقة التي استمرت في مصر من 7 أو 8 سنوات، حد يتصور أن المشكله دي تخلص في سنة.. احنا مش عايزين ننسى ..طيب بكام ؟؟ ب 150 مليار جنيه، الطرق التي تم تنفيذها تكلفتها لا تقل عن 50 مليار جنيه.. زي ما بقولكوا كده.. وإحنا بنعمل الطرق دي كان بيتعمل داخل المطارت حقول طيران حوالي 600 كيلو".

وتابع:"أنا عارف مصر زي ما أنا شايفكم قدامي كده وعارف علاجها.. وأنا بوجه حديثي لكل من يسمعني في مصر.. لو سمحتم متسمعوش كلام حد غيري.. أنا بتكلم بمنتهى الجدية... أنا مش راجل بكذب ولا بلف وادور ولا ليه مصلحة غير بلدي ومش بس ليه مصلحها غيرها.. وفاهم أنا بقول أيه".

وأكد الرئيس:"أن البرنامج اللي اتعمل ده كان الهدف منه إننا لأول مرة نعرف شبابنا قضية مصر الحقيقية من خلال برنامج مدته 3 شهور وتستكمل دراسته.. لن أسمح بتمزيق مصر خلي بالكوا أنا مش هسمح بكده محدش يفكر إن طولة بالي وخلقي الحسن معناه إن البلد دي تقع .. قسما بالله اللى هيقربلها لاشيله من فوق وش الأرض.. أنا بقول لكل مصري بيسمعني انتوا فاكرين الحكايه ايه.. أنا مسؤول أمام الله عن 90 مليون وسأقف أمام ربي يوم القيامة أقوله أنا خليت بالي منهم.. عايزين تخلوا بالكم منهم معايا أهلا وسهلا مش عايزين لو سمحتو اسكتوا".

وأردف:"أنا بتكلم كده عشان مصر برقبتنا كلنا وانا لما بقول كده لا اشكك في احد.. بس خلوا بالكم أنا باتكلم مع كل المصريين بكل ظروفهم.. أنت بتفقدهم معنوياتهم ليه"..

وقال:"مشكلة الكهرباء تم الانتهاء منها خلال سنة، بل ودخلت كهرباء لمصر تكفي حتى 2017، ما يمثل 50% من كهرباء مصر على مدى تاريخها.. هذه الكهرباء لا تخص فقط استخدامات المواطنين بلا تخص أيضا الصناعة.. يعني نرحب بأي مستثمر ينفذ صناعات في مصر".