نصر محروس لـ بهاء سلطان: "هتفضل الإيدين دي خدامة ليك طول العمر" (فيديو)

بهاء سلطان تصدر مؤشرات البحث بعد أعلان المنتج نصر محروس تصالحه مع المطرب بهاء سلطان رسميا، وذلك خلال استضافتهما في برنامج "صاحبة السعادة"، الذي تقدمة الفنانة والإعلامية إسعاد يونس عبر قناة dmc.

بهاء سلطان ونصر محروس

وأوضح نصر محروس معزة بهاء سلطان عنده قائلا: "حبيبي وروح قلبي وصاحبي وعشرة سنين، كل ده كان لازم نقف عنده، ونقول إن مفيش حاجة بينا، وإن الحب أقوى من أي مشاكل ممكن تبقى موجودة وأقوى من أي ماديات وتعاقدات".

بهاء سلطان والعشرة مع محروس

وتابع محروس: "إنت كمشروع خرجت من تحت الإيدين دي، فتفضل الإيدين دي خدامة ليك طول العمر، وعمرها ما تكون ضدك، أنا بعمل كل حاجة بجد من قلبي لأخويا وبيت أخويا، لو بسامح في فلوس، في ألبوم جاي أو مفيش، أنا في الآخر وقفت قدام العشرة".

بهاء سلطان: ربنا وصل لك الاحساس ده

وأردف بهاء سلطان: "كفاية إن حضرتك بتحكم العشرة والود اللي بينا، الشغل بيحصل فيه مشاكل في كل حتة مش مع حضرتك بس، وإنت فعلا ليك معزة في قلبي والحمد الله إن ربنا وصل لك الإحساس ده".

إبراء ذمة بهاء سلطان

و نصر محروس قرأ إبراء الذمة الخاص بـ بهاء سلطان ونصه: "أنا نصر محروس عبد المسيح، أبرئ ذمة الفنان بهاء سلطان من أي التزام، بسداد المبالغ المستحقة عليه والمتعلقة بالنسبة المتفق عليها من أجره عن اللايف،  وأبرئ ذمته كذلك من استكمال تنفيذ العقود المحررة معه، ويصبح من حقه التعاقد مع أي شركة أخرى دون اعتراض مني على ذلك، علما بأن الدافع الوحيد وراء ذلك هو فقط المحبة والتسامح، مع تمنياتي الطيبة له بالنجاح والتوفيق واستعدادي الدائم لمعونته فنيا وإنسانيا".

بداية بهاء سلطان

بهاء سلطان ولد في حدائق القبة بمدينة القاهرة في عام 1972، درس بكلية التربية الموسيقية، وبدأ مسيرته الغنائية في أواخر حقبة التسعينات عندما طرح له المنتج نصر محروس أغنية (إحلف) ضمن الألبوم المشترك (فري ميكس 1) الذي شارك فيه بصحبة مجموعة كبيرة من المطربين منهم حسن الأسمر وخالد عجاج وغيرهم في عام 1998، كما صدر له في نفس الفترة أول ألبوم غنائي بعنوان (ياللي ماشي) الذي حقق مبيعات هائلة في سوق الكاسيت وأدي إلى نيله شعبية كبيرة، وأصدر بعدها كذلك ألبومات (3 دقايق، قوم أوقف، كان زمان).