تامر عاشور "تيجي نتراهن".. كلمات تحدى حبيبته السابقة على فراقه (فيديو)

المطرب تامر عاشور، طرح بالأمس الأحد، أغنية جديدة بعنوان "تيجي نتراهن"، عبر قناته الرسمية بموقع "يوتيوب"، وأغنية "تيجي نتراهن" من كلمات عليم وألحان عمرو الشاذلي وتوزيع عمرو الخضري.

كلمات أغنية تامر عاشور

وتدور فكرة الأغنية عن تحدي شخص لحبيبته السابقة وثقته أنها سوف تندم على فراقه وتدرك قيمة وجوده في حياتها.

وتقول كلمات أغنية تامر عاشور:

تيجى نتراهن ..

إنّ هيجى اليوم وتقولى ان انتى ندمتى

وانّ الدنيا هتخليكى تعرفى قيمتى

حاولى تلاقى ..

من دلوقتى ليومها كلام

اعملى بس حساب قدّام

انا حذّرتِك وابقى افتكرى انِّك صمّمتى

تيجى نتراهن ..

انّك راجعه .. وان ساعتها

مش هتلاقى حِجَج تقوليها ..

وانّى هدوّر وشّى يوميها ..

علشان ازوّد على أوجاعِك مليون وجْعَه

عينى فعينِك ..

مش متضايقه إنّى خلاص مش هبقا معاكى

بالذّات لما لقيتى ان انا بسهوله انساكى

آه سايباني..

لكن عارفه بتخسرى مين

طب كان ليه بقا دمع العين

لو فعلاً مابقاش فى ليّا حنين جوّاكى

تيجى نتراهن ..

انّك راجعه .. وان ساعتها

مش هتلاقى حِجَج تقوليها ..

وانّى هدوّر وشّى يوميها ..

علشان ازوّد على أوجاعِك مليون وجْعَه

تامر عاشور والالبوم الجديد

وكان المطرب تامر عاشور أعلن في بيان صحفي خلال الفترة الماضية، أن الألبوم الجديد يشهد تغييرات ملحوظة يلتمسها جمهوره سواء في الكلمات أو اللون الغنائي بالإضافة إلى مفاجآت من المقرر الكشف عنها قبيل إطلاقه في نهاية ديسمبر الجاري، ويشارك في الألبوم الجديد لعاشور من الشعراء جمال الخولي، مالكي، هشام صادق، حسام سعيد، أدهم معتز ومن الملحنين مدين، تامر علي، محمود أنور، سامح كريم، عمرو الشاذلي، مايكل رامي ومحمدي، بالإضافة إلى توزيعات موسيقية لـ فهد، آسر عاشور، عمرو الخضري، محمد شفيق، أحمد أمين ويحيى يوسف.

حفل تامر عاشور

على جانب آخر، احياء المطرب تامر عاشور حفل غنائي ضمن فعاليات موسم الرياض 2021 على مسرح أبوبكر سالم 9 ديسمبر الجاري.