سمية الخشاب: كورونا أجمل حاجة حصلت في حياتي وأتزوجت 5 في وش العدو

الفنانة سمية الخشاب​، تصدرت تريند جوجل بعد الكشف عن اسمها الحقيقي الذي هو سمية سعيد السيد فتيحة الخشاب، وقالت إن اسم والدتها هو لولو، واسم جدتها محفوظة، وأضافت أنها من مواليد 20 أكتوبر، وبرجها الميزان.

ورفضت سمية الخشاب أن تصرح بعمرها، قائلة: "العمر مجرد رقم، والأيام الحلوة اللي بنعيشها في حياتنا هو ده عمرنا الحقيقي"، وذلك خلال حلولها ضيفة على ​أبلة فاهيتا​ والدمية كارو ، وقالت سمية إن أسماء الدلع التي يطلقها عليها البعض هي سمسم وسوسكا وسوسو وسوكا، وكشفت أنها ذهبت إلى المأذون 5 مرات.. معقبة: "5 في وش العدو"، ووزن جسدها حالياً 61 كيلو جرام.

سمية الخشاب وبوسترات الفنانين

تابعت سمية الخشاب إن من أكثر الفنانين الذين كانت تضع لهم بوسترات في غرفة نومها ميادة الحناوي ومحمد منير، وأنها تفضل الارتباط برجل:"طيب ودمه خفيف ولذيذ وكريم وابن ناس ومحترم، وميرغيش كتير ينجز ويلخص".

وقالت سمية الخشاب: "بعرف أطبخ وأعمل ميك أب وبعرف أعمل شعري وأخيط وأغني"، لافتة أنها لم تحصل على لقاح كورونا، قائلة: "كورونا أجمل حاجة حصلت في حياتي، وأحلى سنة استفدت منها جدًا لأن اتعلمت حاجات كتيرة من قعدتي في البيت، واتعلمت حاجات كتيرة في الإنجلش والتنمية البشرية والتغذية".

سمية الخشاب وحادث الانتحار

وكانت على الجانب الأخر الفنانة سمية الخشاب، علقت على حادثة انتحار طالبة بالفرقة الخامسة بكلية طب الأسنان، بإلقاء نفسها من الطابق السادس بمول “سيتي ستارز" بمدينة نصر.. وكتبت الخشاب، عبر حسابها الرسمي على تويتر: "حادثة سيتي ستارز وجعتلي قلبي.. حبايبي أوعوا أي مشكلة أو موقف أو حدث في حياتكم يخليكم تفكروا في الانتحار.. كل مشكلة لها حل ومفيش حاجة نهاية العالم".

واضافت سمية الخشاب: "يا ريت لما حد يقولكم إنه بيفكر في الانتحار تحتضنوه ومتستهتروش بكلامه، وتحاولوا تنبهوا حد من أهله أو القريبين منه عشان وقتها بيكون محتاج دعم نفسي ولازم يتلحق قبل فوات الأوان.. قسوة بعض الآباء والأمهات اللي معندهمش وعي كافي تجاه أبناءهم وخصوصًا بعد النتائج الدراسية بتكون نتائجها كارثية، بطلوا تهينوا وتأذوا ولادكم وبلاش الكلام اللي زي (إنت فاشل) و (موتي نفسك) عشان عواقب الكلام ده بتسبب في مصايب وهيبقى ذنبهم في رقبتكم".