ميمي جمال.. سر غيابها عن الفن 5 سنوات (فيديو)

الفنانة ميمي جمال تصدرت التريند على جوجل، بعد الكشف عن سر غيابها على الساحة الفنية، مؤكدة إنها ابتعدت عن مجال التمثيل لمدة 5 سنوات منذ وفاة زوجها الفنان الراحل حسن مصطفي، و إنها تود الرجوع للفن من خلال أعمال تليق بمشوارها الفني، وتتناسب مع عمرها ومكانتها الفنية

ميمي جمال والرجوع للفن

وتابعت ميمي جمال خلال حلولها ضيفة ببرنامج "صاحبة السعادة" من تقديم الإعلامية إسعاد يونس:"عايزة أرجع للفن، والفلوس مش كل حاجة، ولكن يهمني طريقة التعامل معايا وأكون مرتاحة مع الإنتاج وأقدم أدوار جديدة تمتع الجمهور.. وعبرت عن سعادتها بالعمل مع الفنان أحمد حلمي، ووصفت تجربتها معه بأنها ممتعة، وأنه فنان متواضع ولا يشعر من حوله أنه نجم العمل".

بنات ميمي جمال

وكانت الفنانة والإعلامية إسعاد يونس، استضافت الفنانة القديرة ميمي جمال وابنتيها نورا ونجلا وطرحت الأخيرة سؤالا حول صفات بنات الراحل حسن مصطفى وهل تشبهان أبيهما أم لا؟ وأجابت الفنانة ميمي جمال أن نورا ست بيت لا تعمل، أما نجلا تتلقى "كورسات" في الفن، دلوقتي بشتغل فى الخزف والفخار وبتحب القراءة جدا، مؤكدة أن الفنان الراحل لم يكن يضربهما، قائلة: "حسن مكانش بيضرب البنات ولا أنا".

ولتقطاعها نجلا حسن مصطفى قائلة: "بابا كان منظم جدا وخجول، وأنا زيه بالظبط، وعلقت ميمي جمال: "حسن لا يمكن مينزلش كل يوم، يروح نادي النقابة يلعب كوتشينة مع أصحابه، ونورا زيه بالظبط".

ميمي جمال وبدون كلام

وكانت إسعاد يونس استرجعت ذكريات برنامج بدون كلام تقديم حسن مصطفى وقالت إن إشاعة انتشرت وقتها بأن حسن يخبر ميمي جمال بأسماء الأفلام، وعن أمنياتها قالت ميمي جمال: "دلوقتي كل اللي بتمناه أشوف بناتي مبسوطين وناجحين أكثر من رغبتي في العودة".

واستكملت ميمي جمال: "احنا اتدلعنا والمنتجين دلعونا والمخرجين دلعونا وعايزة إيه يا ست الكل وتحت أمرك وتدخلي البلتوه تلاقي أوضتك نضيفة واللبيسة بتاعتك موجودة يبقى ليكي نفس تشتغلي ولما تحسي إنك مضغوطة من ساعة التوقيع هتشتغلي ازاي ومقدرتش واعتذرت".

ميمي جمال في الوقت الحالي

وكانت ميمي جمال قالت عما تفعله حاليًا: "دلوقتي بفكر في حاجة تانية إني أشوف ولادي عاملين إيه ولما بطلع معاهم الساحل بحس بيهم قوي غير لما بكون في بيتي لأن نورا بنتي ليها بيت لوحدها ونجلاء بنتي ليها بيت لوحدها ولما بروح أقعد عندهم بقعد يوم أو اتنين وخلاص أرجع تاني وكل اللي بتمناه أشوفهم ناجحين وحياتهم كويسة".

أدوار ميمي جمال

واستكملت ميمي جمال أنها تتمنى تقديم أعمال فنية قائلة "عايزة أرجع، وأنا أحب أدوار الأمهات والخالة والعمة، وأنا عملت كل الأدوار ولو لقيت الإنتاج مريحني مش بس الفلوس لكن طريقة التعامل".