"راجل و2 ستات" يناقش تربية الأبناء.. والفنان سامح حسين: لازم نظهر حبنا لأولادنا

ناقشا برنامج راجل و2 ستات المذاع على قناة on ، تقديم الإعلامية شريهان أبو الحسن والفنانة هيدى كرم، والفنان سامح حسين، الأم قوية الشخصية وتأثيرها على الأبناء.

وقالت الإعلامية شريهان أبو الحسن، إن الأمومة بشكل عام بقت صعبة فى الوقت الحالى بما يشهد من تطوير كبير فى منصات السوشيال ميديا ونستمد منها ثقافات مختلفة.

وأضافت أن الأم فى الوقت الحالى تختلف عما قبل وتسهل عليها التربية، بسبب الاطلاع على العديد من البرامج التربوية، ولكن هذا يزيد على الأم فى التربية، وهناك مقارنات كثيرة جدا عما قبل، والعيال ساعات تخلينا نخرج عن شعورنا.

وعلقت الفنانة هيدى كرم: "أنا أم قوية مع أبنائى وليست أما ضعيفة، ولكن حنينة عليهم، وقوية لأنى أخذت قرارات مع ابنى نديم صح واعتمدت على نفسى بشكل كبير جدا فى تربيته".

وتابعت: "ومكنتش أقول له لما بابا يرجع هيعمل ويعمل.. ولية يبقى بابا البعبع.. ولية ابنى مش يبصلى نظرة احترام وتقدير ليا أنا وشايل هم زعلى".

وقالت الفنانة هيدى كرم: لو رجع بيا الزمن مش ممكن استغنى عن الفرح، معقبة: "شهر العسل هيتعمل فى أى وقت لكن الفرح مش بيتعوض.. وممكن أمسك العصاية من النص ومش أضحى بالفرح".

ونصحت الفتيات المقبلات على الزواج، على إقامة فرح ولكن ليس بشرط أن يكون كبيرا عشان تفرحى وتلبسى الفستان وتتزفى وترقصى وتقطعى التورتة.

وتابعت: "لو تم تخيرى ما بين عمل فرح أو شهر العسل هختار الفرح لأن ممكن شهر العسل يتعوض، والدتى ووالدى معملوش شهر عسل بعد الزواج لكن عملوا شهر العسل بعد ما خلفونى بسبب ظروف عمل والدى وقتها، وكان وقتها عندى 5 سنوات وقضوا شهر عسل أكثر من 18 يوما".

وعلق الفنان سامح حسين: "‘احنا ممكن نعمل الوسط.. فرح بسيط وشهر عسل قصير".

وقال الفنان سامح حسين: "لازم نظهر حبا لأولادنا ديما عشان لما نيجى نزعل منهم هيبقى الزعل سعتها كبير قوى على قلبهم.. والأولاد مش هيبقى حبين يشوفوا والدهم أو والدتهم زعلانة منهم".

وأضاف: "شايف أن اللى عنده أسرة كبيرة لابد من عدم مساوتهم فى المطلق ما بين الأطفال، ولازم الأم تبقى عارفة شخصية كل طفل ماشية إزاى عشان تتعامل معهم كشخصيات منفردة".

وتابع: "الأم تبقى عارفة عقاب الطفل ده غير عقاب الآخر بسبب شخصيتهم المختلفة، كمثال لو عاقبتهم كلهم النهاردة بعدم الخروج هنلاقى فيه واحد مش بيحب الخروج فهيبقى ده مش عقاب بالنسبة له".

وعلقت الفنانة هيدى كرم: "أمى كانت كلمة الحنية تعتبر ضعف فى التربية، ولكن أنا عكس والدتى أديت نديم ابنى حنية كبيرة جدا.. ببوس ابنى وبحضنة حتى يومنا هذا.. وكلمة بحبك دى على طول بقولها ليه".