كمامة بـ999 جنيها.. سخرية على مواقع التواصل من عرض إحدى الماركات الشهيرة

أثار إعلان متداول على مواقع التواصل الاجتماعي لإحدى الماركات الشهيرة لسعر كمامة بـ 999، سخرية رواد "الفيس بوك".

شخصية المصريين التي تتمتع بالفكاهة في أحلك الظروف، لم تفوت فرصة الإبداع ردا على سعر الكمامة الذي مثل بالنسبة لهم دربا من الخيال.

انهالت التعليقات الساخرة على كمامة ال999 جنيها كالمطر، وانصب أغلبها على أن مطلقي سعر الكمامة لو كان صحيحا كما هو مكتوب على الماركة الشهيرة سيكون في مستوى تجار المخدارات وليس لمواطن عادي حتى لو رجل أعمال.

كتب أحدهم ساخرا "ما تيجو كلنا نطلب الأوردر ومنستلمش".

 

وهذا تعليق به صورة للفنان سعيد صالح ومكتوب عليها " كمامة بالف جنيه إلا جنيه".

 

وتعليق آخر نشر صورة لإعلان مكتوب عليها "عندنا في مدينتي شحن الكمامة مجاناً"

 

و تعليق نشر صورة قطة ومكتوب عليه " ليه هتخض الفيروس تموته"

 

وفي تعليق أخر مكتوب فيه "أنا عايزة واحدة من دي هدية، علشان يقولوا أم كمامة جوتشي راحت أم كمامة جوتشي جت"

 

وتعليق نشر صورة إحدى الشخصيات المروجة للسلع ومكتوب " كنت أعاني لان فيروس كورونا بيجري ورايا لكن بعد استخدامي للكمامة أم 999ج الفيروس خاف مني وجري عطول"

 

وفي تعليق أخر كتبت ساخرة " قبل كدا رحت صيدلية اشتري كمامة مش عشان خايفة من المرض لا عشان خايفة من الكمين، لقيت كمامة بـ 3 ج وواحدة بـ 5 ج اشتريت طبعا أم 3 ج هو أنا غنية.. أدخل ع كمين البسها أخرج م الكمين اقلعها.. أنتوا جايين تقولوا الكمامة الواحدة بـ 999 ج طب مانا اتصاب بالكرونا واجيب بـ100 ج علاج واخف ياباشا ما صباح الفل بقى"

وتعليق ضاحك مكتوب عليه"ممكن تعملوا كفن براند برضو عشان الواحد يبقى له هيبة وسط الميتين، اقسم بالله العظيم لو أنتوا عاوزين تتشتموا مش هتعملوا كدة"