الإرهابي أحمد الشرقاوي: "مهمتنا اختيار شباب بعيد عن الإخوان بحيث لو فشلنا ما نظهرش في الصورة"

قال الإرهابى أحمد الشرقاوى سعد ، أحد العناصر المقبوض عليهم ضمن خلية الإخوان التى تستهدف تقويض دعائم الأمن والاستقرار وإشاعة الفوضى بالبلاد وهدم مقدراتها الاقتصادية بالتزامن مع ذكرى 25 يناير، إنه عضو فى جماعة الإخوان الإرهابية، وجاءه تكليف هو ومجموعته من قيادات الجماعة فى تركيا بالانضمام للحركة الشعبية ويكونوا أعضاء بها، وأن يكون مشرف على عمليات التجنيد.

 

وأضاف الإخوانى أحمد الشرقاوى سعد فى اعترافاته التى تم بثها بالفيديو "أنضمينا للصفحة وتواصلنا مع الجوكر تامر جمال الهارب بره مصر، وجاتنا تعليمات منه باستقطاب شباب، وكنت باستقطب الشباب الغير واعى باللى بيحصل فى البلد، وكنت باتكلم معاهم، وكان المدخل لينا فى الكلام ده هو حالات الانتحار اللى بتحصل فى البلد، وكنا بنقنعهم أن ده بسبب الحالة الاقتصادية اللى بتمر بيها البلد، وكنا بنقسم الشباب لمجموعات ونعمل تدريبات وتلقين ليهم على تليجرام علشان مايبحصلش لقاءات بينا فى الشارع ويحصل رصد لينا من الأمن، وبعد كده كنا بنجهزهم بحيث نستخدمهم فى المظاهرات، وكنا بنقسمهم لمجموعات، وكان فيه مجموعة للخرطوش ومجموعة لقطع الطريق، ومجموعة لعمل الشغب، وكنا بنشوف الشباب اللى فيهم رجا كنا بنضمهم على جروبات الحركة علشان نستخدمهم فى أى وقت نحتاجهم فيه".

 

وأضاف الإخوانى أحمد الشرقاوى سعد "كنا بنتكلم مع الشباب دول أن هايكون ليهم مستقبل فى الدولة لو احنا نجحنا، وطبعنا كنا بنختار الشباب اللى بعيد عن الإخوان، بحيث لو فشلنا الإخوان ما يظهروش فى الصورة وما يحصلش ليهم مشاكل بعد كده".