حلاق أيمن نور يكشف سر شنط الأموال والأجانب قبل هروبه من مصر (فيديو)

لن تجد أصدق من القريبين منك لوصف شخصيتك، أو كيف تتعامل مع الناس، فهم من يرى عيوبك وأسرارك وكواليس إدارتك للأمور وأخلاقك الحقيقة دون أقنعة.

 

هذا ما حدث واقعيا عند لقائنا بحلاق الإخواني الهارب في تركيا أيمن نور، عندما قرر فتح صندوق أسراره، والحديث لأول مرة عن كواليس الأيام التي سبقت هروب رجل الجماعة إلى خارج مصر للتحالف مع مجموعة الهاربين إلى اسطنبول.

 

 

يقول عم عادل حلاق أيمن نور السابق قبل هروبه إلى مصر "حلقت لأيمن فوق الـ27 سنة، كنت لازم على طول أكون معاه في البيت، ولازمه زي ضله في المناسبات الرسمية والمهمة، وأوقات التصوير مع قنوات أجنبية، كل دا كان بيحصل في بيته، وطبعا أحاديثهم كانت بلغة غير العربية وأنا مش عارف هم بيقولوا إيه لأني راجل مش متعلم".

 

وأضاف عم عادل "كنت بقفل محلي بالساعات علشانه، وما كنش بيقدرني، ومشي من البلد وطلع خاين، دا حتى أكل عليا فلوس الشهرين وخلع".

 

وكشف "قبل أيام من إعلان هروبه الباب خبط وأنا قاعد في بيت أيمن نور ودخل ناس دقونهم طويلة ومعاهم شنط كتير، ودخلوا فوق عنده واجتمع معاهم بالساعات وأنا موجود برة منتظر وخرجوا من غير ولا شنطة من اللي كانت معاهم، ولما سألت دادة كانت بتشتغل عندهم وقريبة مني قالتلي دي فلوس يا عم عادل، كل دي فلوس"

 

وتابع "كل دي فلوس أخدها أيمن نور من البلد وهرب، وأنا كان بيديني 100 جنيه بعدها بـ4 أيام ما شوفتوش تاني خلع من البلد وأكل عليا فلوسي، الناس دي سرقت فلوس الشعب، عامل فيها ثورجي الأيام دي بعد ما هبر الهبرة الكبيرة وخلع، مش عارف إزاي تصدقوهم بعد كدة".