بالورقة والقلم.. فيديو يفند لعبة المقاول الهارب محمد علي ويفضح أكاذيب الإخوان

وعدد عبد التواب، الحالات الكثيرة التي تعرضت فيها الدولة لسيل من الشائعات، موضحا أن حال الإخوان شبيه بقصة في التراث الشعبي، قائلا: «واحد رجع بيته متأخر.. مراته بتسأله كنت فين يا منيل لغاية دلوقتي.. لقى واحد طالع من الدولاب.. قالها مين ده يا هانم؟ قالت له ما تغيرش الموضوع».

 

وأضاف عبد التواب: «ده باختصار حال الإخوان وأمثالهم هما مش عايزين نركز في أي حاجة مش عايزين اسقرار.. نرد على كذبة.. يطلعوا أكاذيب.. نرد على شائعة يغرقوا السوشيال بمئات الأكاذيب.. هما مش عايزين استقرار خالص ياعني.. زي دلوقتي بيروجوا إن الثورة يوم الثلاثاء بعد صلاة الجمعة.. وشدو حيلكم يا مصريين.. ده كلها ساعات.. ده النظام مرعوب.. النظام بيفرفر».

 

 

 

وأكمل مدير تحرير صوت الأمة: «النظام استدعى كل أدواته علشان يرد على الهطل اللي بيعمله محمد علي اللي هو المقاول الهارب.. ده النظام استدعى بنت علشان تقول على نفسها عاهرة وإنها كانت مع عبد الله لحظة الوفاة.. مع إن تقرير الوفاة صادر من مستشفى خاص .. مش مستشفى حكومي .. ده النظام استدعى أبو محمد على وأخوه علشان يقولوه إنه عليه قضايا أكل مال اليتامى.. وإنه واكل حق ولاد أخوه .. مع إن القضايا دي بتاريخ قديم.. الحقوا ده النظام هو اللي طلع وائل غنيم دلوقتي علشان يفرق الناس عن محمد علي».