من الألف للياء.. تعرف على طرق حساب زكاة الفطر

يستعد المسلمين خلال الأيام المقبلة، لاستكمال شعائر شهر رمضان المعظم، من خلال إخراج الزكاة، خاصة بعد أن أعلنت الإفتاء، أن الزكاة لهذا العام (13 جنيها) بحد أدنى.

 

وخلال السطور التالية، تستعرض «صوت الأمة»، كيفية إخراج الزكاة بطريقة يسهل فهمها على الجميع، وفقا لما نشرته دار الافتاء. وقد حددها التالى:

 

- إذا كان من محصول القمح اللي بيتعمل منه العيش اللي كل الناس في مصر بتأكله لأن بيوت كتير مش بتأكل لا رز ولا تمر ولا زبيب.

- طيب سعر أردب القمح كام (٦٥٥) جنيها

- والأردب فيه (١٥٠) كيلو

- يبقى سعر الكيلو (٤.٤٠) أربعه جنيه وأربعين قرش

- والزكاة (٢.٦) كيلو

- يبقى نضرب (٢.٦) كيلو * (٤.٤٠ )

- يطلع الناتج (١١.٤٤)

- ودار الإفتاء قالت إنه ١٣ جنيها

 

وقالت دار الإفتاء، عبر صفحتها على موقع التواصل الاجتماعي «فيس بوك»، عن الزيادة التي أقرتها عن زكاة الفطر: «إحنا مزودين عن السعر بشويه، بحيث اختلاف الأسعار في الأردب، و١٣ جنيها الحد الأدنى يعني طلع أكتر من ١٣ جنيها لو معاك ودخلك يسمح لك».

 

وتابعت: «بس اللى مش هيقدر فأقل حاجه يطلعها عن الفرد ١٣ جنيها، طيب أنا شايف إن ١٣ جنيها قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ١٣ جنيها ولا تلزم غيرك يطلع زيك لأن ممكن يكون غير قادر، وتخرج قبل صلاة العيد». وأضافت «الإفتاء»: «ولو ملحقتش تطلعها ممكن تأخد برأي السادة الشافعية إنك ممكن تطلعها قبل غروب شمس يوم عيد الفطر».