250 ألف فصل بـ130 مليار جنيه.. السيسي: مسار إننا نعمل تعليم حقيقي للمصريين اتحقق

قال الرئيس عبد الفتاح السيسي، إنه يتحدث عن التحديات بشكل متكرر حتى تظل المشكلة أمام أعيننا، ونضع أيدينا على حلول عملية لها، ونكون جاهزين من الآن حتى لا نكون متأخرين.

 

وأضاف السيسي، خلال تعقيبه على النقاش الذي شهدته ندوة «تمكين الأشخاص ذوي الإعاقة نحو عالم متكامل» ضمن فعاليات منتدى شباب العالم بشرم الشيخ في يومه الثالث، أننا نحتاج لتجهيز أبنائنا من الآن لسوق العمل، متابعا: «بقول للحكومة الـ130 مليار جنيه إحنا محتاجينها للفصول علشان نوصل لكثافة 40 طالب في الفصل، مش 20، مسار إننا نعمل تعليم حقيقي للمصريين تحقق، مش على إيد دكتور طارق وحده، وزارة التعليم وجهات أخرى اشتغلت على الأمر، لكن هنكمل ده إزاي؟».

 

وأشار الرئيس السيسي في حديثه، إلى أننا نحتاج لوضع أسباب وعوامل النجاح بأمانة حتى ينجح نظام تطوير التعليم الذي عرضه وزيرا التعليم والتعليم العالي، وأهمها أن نوفر الموارد والاحتياجات المطلوبة لنجاحها، متابعا: «عارفين يعني إيه 22 جامعة؟ يعني بنتكلم في مليارات كتير قوي، لأن كل جامعة متوسطها من 3 لـ5 مليار جنيه. وده علشان إيه؟ علشان نقدر نقول إن الطرح اللي بنقولهولكم وبنتكلم عليه هيتحقق».