وزير التعليم: «أنا طارق شوقي لو قلت هاعمل حاجه يبقي هعمل أبوها».. وأسامه شرشر: «عاوزين جملة مفيدة»

 

تسببت تصريحات الدكتور طارق شوقي وزيرالتربية والتعليم، في لجنة التعليم بمجلس النواب ، حول خطة الحكومة لتطويرالتعليم الأساسي، في انقسام بين النواب حيث قال الوزير:"أنا طارق شوقي وزير التربية والتعليم لما باقول حاجة باعملها وباقول إن النظام الجديد هايتطبق ٢٣/٩"، وهو ما اعتبره النواب طريقة استعلائية في حديثه  بينما رحب آخرون بحديث الوزير.

 

اختلف النواب الحاضرين في لجنة التعليم بالمجلس ، والتى يرأسها الدكتورجمال شيحة، وتعالت صيحات بعض النواب رافضين حديث الوزيروإجبارهم علي تطبيق النظام المحاط بعلامات استفهام، وصفق بعضهم للوزير. 

 

من جانبه قال النائب سمير البطيخي وكيل لجنة الشباب والرياضة بمجلس النواب :"ايه المشكلة الوزيرعنده ثقة في نفسه وعارف هيعمل ايه"، فيما احتج علي حديثه النائب أحمد نشأت منصوروقال له : "حضرتك جاى هنا تتكلم معانا مش تاخد قرار، اللي بتقوله ده مينفعش، وكمان مينفعش تحطنا قدام الأمرالواقع".

 

من جانبه قال الدكتور طارق شوقي وزيرالتربية والتعليم:" اتقال عليا في ٢٠١٧ إن الراجل ده معندوش لا فكر ولا رؤية واحنا دفعنا تمن غالي أوي، مش هقول حاجة وأطلع عيل والوزارة دي لما بتقول هتعمل حاجة يبقي هتعمل أبوها". 

 

وعقب حديث الوزير، قال النائب أسامة شرشر: "هناك فرق بين الواقع والحلم، أنا لم أخرج بجملة مفيدة من حواروزير التعليم، وأؤكد أننا ندعمه لتحسين جودة التعليم ومنظومة الفساد، ونسانده ونحاسبه أيضا ، وأرفض تحميل الإعلام والصحفيين أخطائهم وخطاياهم وقال :" تعالي هات لنا خطتك وأفكارنناقشها ونحن ندعمك كاملاً".