إحدى العاملات بالشرق الإخوانية في شهادتها عن أيمن نور: اتخدعنا فيه ورأينا قذارته

فضحت إحدى العاملات بقناة الشرق الإخوانية، أيمن نور، كاشفة عن قيام أيمن نور رئيس القناة الإخوانية بعمل صفحة مزيفة باسمها على مواقع التواصل الاجتماعي ليزعم أنها تدافع عنه.

وقالت إيمان حسان، إحدى العاملات المفصولات من قناة الشرق الإخوانية، في بيان لها عبر صفحتها الرسمية على "فيسبوك"، كاشفة الحسابات الوهمية لأيمن نور رئيس القناة الإخوانية: بما إن الصفحة اتقفلت ، أحب أقولكم إن المدلس القذر عمل صفحة على تويتر وعلى الفيس بوك وعليها صورى الشخصية، فالحقيقة إن سبب تركى للعمل مع القذر المدلس إني لا أنافقه وكلمنى علشان أرجع للعمل تانى وأنا رفضت ولما إتصل تانى مرديتش عليه ...ومرديتش أكتب عن القذارة اللى حصلت من خدامته وخدامينه فحب يكمل قذارته فاتهمنى إنى عملت صفحة على الفيس بوك علشان أشوه صورته ...على أساس إنه راجل مبيتقالش عنه مزور.

وتابعت إحدى العاملات المفصولات من قناة الشرق الإخوانية، حديثها عن أيمن نور قائلة: إتخدعنا فيه وكنا بندافع عنه فى يوم من الأيام ولما قربنا منه واشتغلنا معاه شوفنا قذارته وصدقنا اللى شوفناه بعنينا مش اللى كنا بنسمعه.. أنا تركت العمل بكامل إرادتى وحتى لما حاول يرجعنى للعمل أنا اللى رفضت لأنى عرفت إن اللى بيدير العمل مصالح، وكانت مفاجأة بالنسبة للعاملين بالقناة لهم أن هناك توجيهات من الإدارة وأن هناك خطوط حمراء وأن هناك أشخاص ممنوع ظهروهم على الشاشة، واللى مش عاجبه سياسة القناة يمشى !!!! ومش بس كده يا فندم .. كمان ممنوع إنهم يشتغلوا فى أى قناة تانية بناء على بروتوكول أبرمه الديكتاتور أيمن باشا نور مع قنوات تركيا.