#لو_المصرى_طلع_الفضاء على تويتر: هيتصور سلفى مع الكواكب
الخميس، 05 أبريل 2018 01:00 م
#لو_المصرى_طلع_الفضاء
أمنية فايد
تتوالى اكتشافات العلماء للفضاء وإمكانية الحياة البشرية عليه، وهو ما يجعل البعض يفكر فى السفر يوما لتعمير كوكب آخر غير الأرض.
وفى سياق تفكير العالم فى الذهاب للحياة على الكواكب الجديدة المكتشفة، دشن رواد «توتير» هاشتاج #لو_المصرى_طلع_الفضاء، وكعادتهم تحول الهاشتاج إلى كتلة من السخرية والتريقة وتوقع الأشياء الذي سيأخذها المصرى معه على الفضاء.
تقول «سعاد»: «لو المصرى طلع الفضاء هيأخذ حلة المحشى معاه»، وأشارت «نورهان» قائلة :«هيتصور سلفى مع الكواكب طبعا»، وأضافت «سلمى»: «هيكتبوا على الصاروخ السواقه فن مش عن عن»، وعلقت «همت» قائلة: «المصرى معروف بقوته وبجبروته عيروح الفضاء وهيعمل مهرجانات هناك وطلعنا الفضاء والعب يلا وروش يلا».
من جانب آخر، أشار «محمود» قائلا: «المصرى لو طلع الفضاء هيفكر يحجب الشمس عن العالم عشان يعمل ليها اشتراك شهرى»، وقال «بدر»: «هتلاقى واحد يقولك يا صاحبى أنا من الأرض وفلوسى وقعت ومحتاج فلوس عشان أرجع الأرض تانى أنا مش شحات» .
وعلق «محمد» قائلا :«الزوجة هتقول لجوزها هتلى لبن وعيش وأنت جاى»، واكدت الفتيات انهم سيقوموا بالكراش على الفضائيين.
