ناخبة عجوز بمطروح تشارك في الانتخابات من أجل مستقبل الشباب

حضرت ناخبة عجوز للتصويت إلى لجنة مدرسة مطروح الإعدادية بنات، للتصويت في الانتخابات الرئاسية، وهي تحمل علم مصر، وهي تردد " أنا جاية أنتخب علشان الشهداء اللي ضحوا علشانا، وعلشان ولادنا اللي مش عاجبهم الانجازات الي بتحصل في البلد".

وقالت السيدة العجوز أن عمرها 78 سنة، وأنها لم تحضر من أجل نفسها فهي ذاهبة، ولكنها حضرت من أجل الشباب.

وأضافت "الرئيس السيسي حارب حارب عن مصر، والسورين في خيام واحنا استضفناهم في مصر، وأنا ست عجوزة وماشية أنا بعمل للمستقبل ولأولادنا اللي مش معترفين باللي بيعمله السيسي، السيسي خلى لمطروح وطن عمل لهم الطرق ووصل الكهرباء والمياه".

وأقسمت الناخبة العجوز "والله العظيم، أنا مقيمة في مطروح من 45 سنة، ومن 25 سنة كنت بشيل الجركن وأجيب المياه من عند القطار، دلوقتي السيسي جاب لهم المياه ليل ونهار".

ويبلغ عدد الناخبين فى مطروح 272 ألفا و397 مواطنا يصوتون فى 149 لجنة فرعية تشرف عليها 8  لجان عامة و145 مركزا انتخابيا.

ويبلغ عدد من لهم حق التصويت بجميع أرجاء الجمهورية 59 مليونا و78 ألفاً و138 ناخبا يصوتون فى 13 ألف و706 لجنة فرعية تمثلها 367 لجنة عامة بإشراف 18 ألف قاضيا تقريبا يعاونهم 110 ألف موظف

ناخبة عجوز بمطروح تشارك في الانتخابات الرئاسية