بالفيديو : ماجد الكدواني يحكي تفاصيل مشهده ب"تحت السيطرة"

حل الفنان ماجد الكدواني ضيفًا على برنامج "معكم" بعد حصوله على جائزة أفضل ممثل في2015 في استفتاء البرنامج ليتسلم الجائزة.
قال الكدواني عن مشهده في مسلسل "تحت السيطرة" و الذي كان سبب في حصوله على الجائزة " مكنتش مصدق إني اخد الجايزة عن المشهد ده، أنا أصلًا كنت معتذر عن دور في المسلسل بس اتفرجت على الحلقات و شدتني، فاللي حصل إن تامر محسن كلمني و هو صديق عزيز جدًا بيقوللي في مشهد أخير في المسلسل ترشح لي مين يعمله، قولتله المسلسل لافت نظري جدًا لما حكالي المشهد قولتله طبعًا موافق".
اضاف الكدواني "المشهد كان طويل سبع ورقات مليانين كلام بنقلات مرعبة جدًا فأنا حسيت بصغر نفس مرعب...وصلت لمرحلة حسيت إني أنا أول مرة بمثل، للأمانة المشهد ده اتصور اربع جمل اربع جمل احنا ابتدينا 11 صباحًا خلصنا على المغرب و قعدنا نفطر، أنا عن نفسي كنت مروح في هذه الليلة بقول يارب يشيلوا المشهد علشان أنا حاسس إني مدتهمشي اللي كان نفسهم فيه".