وفاء عامر: سألت مبارك ليه مهربتش؟.. قالي: أنا مسرقتش ومقتلتش

السبت، 27 يناير 2018 11:02 ص

وفاء عامر

أكدت الفنانة وفاء عامر، أنها لم تستطع تحديد موقفها بعد ثورة 25 يناير، مشيرة إلى أن زوجها نصحها بالتروى وعدم تحديد موقف مسبق، مع أى تيار، وهذا ما دفعها لزيارة الرئيس الأسبق محمد حسنى مبارك.

وأضافت عامر، خلال حوارها ببرنامج "أنا وأنا"، الذي يذاع على قناة ON E، وتقدمه الإعلامية سمر يسرى، : " بعد ثورة يناير اكتشفت إن بلدنا كانت بتتسرق وبتضيع، كنت حابه أسمع من الرئيس مبارك إجابات عن أسألة كتير".

وتابعت: "زرته، وهو راجل عسكرى محترم، سألته ليه مهربتش، قالى يرضيكى يقولوا على اللى حكم مصر 30 سنة حرامى، أنا مسرقتش ومقتلتش".

وأضافت: "سألته على ال70 مليار، وكان رده دمه خفيف جدًا، وقالى طب لما يرجعوا 70 مليار من سويسرا يعملوا حسابى مش أنا مواطن"، مضيفة: "أنا روحت الزيارة دى أنا وجوزى، وهو مخه حاضر، وقال تمسكوا بقيادتكم، ورجعت مبسوطة جدًا، إن أنا منزلتش في 25 يناير".

وفي شأن آخر وعن إمكانية اعتزالها الفن وارتداء الحجاب، قالت عامر: " هو يعنى إيه حجاب، الحجاب إنى متكلمش على حد ومأذيش حد، وإنى أحجب لسانى عن إنى أتلفظ بلفظ يأذى مشاعر حد، وإنى مظلمش حد، الحجاب هو إنى أحجب قلبى".

وأضافت: "روحت لجوزى في البدايات خالص وقلتله أنا عايزة أعتزل وألبس الحجاب، قالي خلى بالك لو طلعتى من الوسط مش هترجعى تانى، ولو لبستى الطرحة مش هتقلعيها تانى".

موضوعات متعلقة..