اسامة كمال:السيسي بيشتغل 20 ساعة وناس كتير بتقعدعلى القهوة لـ5 الصبح

عقب الإعلامى أسامة كمال على خطاب الرئيس عبدالفتاح السيسي الاخير عندما قال " أنه لو الأمة المصرية مش عايزاه هيمشى وأنه مش محتاج حد ينزل يوم 25 يناير ولا 26 ولا أى يوم.. ليه الرئيس السيسى يفتح موضوع أحنا مش شايفين له أثر على الأرض ولا شايفين تحركات ولا تهديدات ولا شايفين حاجة إلا لو كان الرئيس شايف حاجة أحنا مش شايفينها؟".
وتسائل مقدم برنامج "القاهرة 360 " المذاع على شاشة "القاهرة والناس" هل الرئيس السيسى قلقان من مظاهرات فى 25 يناير؟ لأ.. هل الرئيس حاسس أن الناس مش عايزاه فعلا؟ أكيد لأ.. طب الرئيس قال الكلام ده ليه؟ ليه الرئيس فى اجتماع دينى مهم يقول أنه على استعداد أن ربنا ينزع منه الملك زى ما ربنا آتاه الملك؟".
وأوضح كلام أن " الرئيس السيسى شايفه إجابة واضحة عن سؤال سألته لنفسى بعد 30 يونيو.. سؤال كان هل مصر دولة مطيعة؟ هل مصر النهارده دولة تقول لها يمين يمين.. شمال شمال؟ وللا النهارده مصر اللى ما انجرتش للسقوط فى الفخ الأثيوبى والسودانى والعراقى والسورى والليبى والتركى والقطرى وغيرها وغيرها ورفضت تقع بفعل الإخوان وبتتحارب من الإعلام الغربى ومن الإعلام المصرى دولة مطيعة؟".
وتابع " كلام الرئيس بالنسبة لي لايعكس عدم ثقة فى الاستقرار لكن بيعكس أنه اتفق معانا على حاجات وقت انتخابات وهذه الاشياء لم تنفذ،مضيفا اننا عندما انتخبنا السيسى قال أنه بيصحى 5 الصبح وبيشتغل 20 ساعة قلنا له معاك.. صحى هو خمسة الصبح واشتغل 20 ساعة فى الوقت اللى ناس كتير بتقعد ع القهوة لخمسة الصبح وبعدين تدخل تنام".