بسبب تأخر النواب.. على عبد العال: "هنبدأ الجلسة أمتى؟ عايزين نبقى زي بلاد بره"

قال الدكتور على عبدالعال رئيس مجلس النواب، إن كل مجالس النواب فى العالم تعمل مبكرًا مضيفا: "كل مجالس العالم بتشتغل الساعة 9 الصبح احنا اللى بنشتغل الساعة 10"، جاء ذلك خلال الجلسة العامة للبرلمان المنعقدة الآن، برئاسة الدكتور على عبدالعال.

ووجه عبدالعال سؤالً للنواب حول موعد بدء الجلسة نظرًا لتأخر وصولهم اليوم: الساعة 9 الصبح ولا الساعة 7 الصبح؟ السؤال التالي اللى ميجيش الساعة 9 نعمل له ايه؟، أنا عايزكم انتوا تقترحوا".

وتابع: "خلاص خلوها الساعة 10 عشان المواصلات وكده، إنما عايز نبدأ 10 عشان البرلمان يخلص الجلسة الساعة 2 زي كل العالم".

من جانبه، طالب عفيفي كامل عضو مجلس النواب، بعدم عقد اجتماعات اللجان في نفس الوقت، قائلا :"أنا ببقي عايز أحضر اجتماع لأكتر من لجنة لكن كلها   بتنعقد في نفس الوقت طب انا اعمل ايه؟"، فرد عليه الدكتور عبدالعال قائلا: "عايز تحضر 25 اجتماع لـ 25 جلسة في نفس الوقت؟ ازاى يا عفيفي!

فعقب النائب البرلمان: "ببقي عندي موضوعات وعايز أحضر في كذا لجنة لكن كلها فى نفس الوقت"، فقال عبدالعال: لرؤساء اللجان سلطة تحديد الموعد.