السيسي: "مش هاينفع نعمل مشروعات مترو بسعر التذكرة الموجود دلوقتى"

طالب الرئيس عبد الفتاح السيسي، الشركات المساهمة فى حفر أنفاق قناة السويس الجديدة بالعمل جنبا إلى جنب مع الشركات المصرية حتى النهاية، قائلا: «مستعدين إنه يشتغلوا معانا ونعمل ولأول مرة فى مصر كل حاجتنا من الأول للأخر بشركات ومعدات مصرية، بس أنا بقولهم هاخد المكن من هنا على مشروعات تانية، لأننا لما بنيجى نعمل مشروعات زى كده بناخد قروض من الدول التى تمول هذه المشاريع، لكن فى هذه الحالىة بتكون تمويل من الدولة، ولكن قدرتها مش قوية على إنها تمول مشروعات بالحجم ده لوحدها، فانتوا محتاجين يبقى فيه تمويل بفائدة مناسبة شوية من البنوك».

وأوضح الرئيس عبدالفتاح السيسي فى كلمته خلال حفل انتهاء تنفيذ وتبطين أنفاق قناة السويس، أنه «لن تكون أسعار هذه المشاريع عادية للمستخدم، زى مابتتقدم دلوقتى، أنا بكلمكوا بصراحة، هاتخود 30 مليار جنيه علشان تعمل خط مترو أنفاق بس من غير معدات، بالإضافة إلى 13 مليار أخرى معدات، ده مش هاينفع إن إحنا نعمله بسعر التذكرة الموجود دلوقتى، ولا بضعف التذكرة ولا بـ 3 أضعافها بصراحة كده».

ووجه حديثه لمساعد رئيس الهيئة الهندسية للقوات المسلحة، اللواء أحمد فودة، لو كنتوا جاهزين دلوقتى يا أحمد أنا جاهز، إدرسوا الموضوع ده وتكون إنت المسئول قدامى عنه.

ويشهد الرئيس السيسى، أيضا افتتاح أحد مراحل الاستزراع السمكى، التابع لهيئة قناة السويس. يحضر الافتتاح كبار رجال الدولة، والشخصيات العامة، والشباب، وممثلين عّن كافة مؤسسات الدولة.