فتى خيرت الشاطر يعترف: العريان طلب مني السفر لسيناء للتحريض ضد الجيش والشرطة

اعترف أحمد المغير، الملقب إعلاميا بـ «فتى خيرت الشاطر»، بتحريض قيادات الإخوان له خلال اعتصام رابعة العدوية، بضرورة السفر لسيناء والدعوة إلى التصعيد العسكرى، مشيرا إلى أن عصام العريان، القيادى الإخوان– المسحوب في عدة قضايا متعلقة بالإرهاب – هو من حرضه على ذلك.

وقال المغير فى تدوينة له عبر صفحته الرسمية على فيسبوك: «لما كان مرضي عني وكنت بحضر في غرفة العمليات اللي كانت بتدير الاعتصام (دي غير اللي كانت جنب المسجد دي كانت غرفة العمليات الفعلية) القيادات المتواجدة هناك كانت مفهماني إن المرة دي مختلفة وإننا مستعدين للتصعيد للمستوى العسكري لو تطلب الأمر وإن الخمسينات مش هتتكرر تاني».

وأضاف المغير: «يوم عزل مرسى كان طبعا الغضب عارم وكنت أنا بدأت أفكر إني أسيب مصر وأبدأ اشتغل إعلاميا من برة بحرية (كان ليا وظيفة إعلامية معينة) فعرضت الفكرة يومها بالفعل على عصام العريان وقلتله إني ممكن أحاول أروح لغزة أو لليبيا واشتغل من هناك فاستحسن الفكرة».

وتابع: «وقالي إن الأحسن أحاول أروح لمكان زي مطروح أو سيناء وابدأ اطلع فيديوهات رسالتها إن السلمية انتهت وإننا كفرنا بيها وإن لازم التصعيد العسكري وقالي بشكل واضح إن دي ورقة هتساعد في المفاوضات، لأسباب مختلفة منفذتش الموضوع ده وأنا كنت ساعتها ما زلت مقتنع بالمسار السلمي"، متسطردا: "بكتب الكلام ده لأن الشيء بالشيء يذكر ولأن ده تاريخ لازم الناس تعرفه يستفيد منه من يستفيد».