بعد قانون رخصة الإنجاب.. "لو خالفت هيسحبوا المدام"

حالة من الجدل أثارها مشروع قانون «رخصة الإنجاب»، بين رواد السوشيال ميديا، الذى اقترحه زيدان القنائى، المتحدث باسم منظمة العدل والتنمية، والذى أكد أن رخصة الإنجاب لا يمكن أن تخالف الشريعة الإسلامية لعدم وجود أي نص أو آية قرانية أو حديث نبوى يحرم عملية تقنين الإنجاب بالترخيص.

ومن جانبه قال خالد: «ساخرا لما أحب أطلع رخصة إنجاب، أدخل مدرسة الأول، ولا في حد هيمتحني عملي؟ ولو سقطت أعيد بعد 9 شهور؟».

 

وأضاف محمد إسماعيل: «لما نقف في لجنة.. الظابط: أشوف رخصة الإنجاب بتاعت حضرتك لو سمحت، حضرتك ماشي برخصة إنجاب منتهية و مضطر اتحفظ ع العيال والأم».

 

شيزوفرنيا

وفى نفس السياق علقت الإعلامية بسمة وهبة من خلال إحدى حلقات برنامجها «هنا القاهرة»: «يعني عشان الواحد يخلف يروح يطلع رخصة من السجل المدني أو من مجمع التحرير، ولو الواحد بقى ملتزمش بيها، هتنسحب منه مراته مثلا، زي ما بيسحبوا الرخصة؟».

الإعلامية بسمة وهبة

وتابعت الإعلامية: «دي أخر تقاليع اللي بيسموا نفسهم باحثين».