"عشان نفهم بسرعة".. قانون المرور الجديد بـ"لغة الشارع"

بعد موافقة الحكومة خلال اجتماعها الأخير، على مشروع قانون المرور الجديد، وتم إحالته إلى مجلس الدولة لمراجعته، ومن ثم إحالته إلى مجلس النواب لمناقشته وإقراره خلال دور الانعقاد الحالي، والذي لقى إعجاب نشطاء مواقع التواصل الاجتماعي، وبدأوا في نشر الشرح المفصل لأهم المواد في قانون المرور الجديد باللغة العامية تسهيلا على المواطنين من خلال منشوراتهم. 

وجاء الشرح كالتالي:

 

هيتم تفعيله فى خلال 3 أسابيع هيبقى فيه تعديلات كتيرة  جدآ.. 

تعديل هنحس بيه كلنا.. التعديل هيلغى نهائياً سحب الرخص.. 

وهيتم استبدله بنظام جديد.. نظام مفهوش سحب رخص !!!

يعنى رخصتك هتبقى فى جيبك طوووول السنة ومحدش هياخدها منك..

بس محدش يفرح أوى لأن (قطاع المرور) بالذات مبيرميش كتاكيت.

التعديل هيخلينا تتحايل علي الظابط عشان يوافق إنه يسحبها أو يوافق ندفع له غرامة.

التعديل بيقول :-

إن حضرتك وأنت رايح المرور عشان تجدد رخصتك ٠٠٠ هتبدأ السنة الجديدة بتاعتك

بـ عدد (( ٣٠نقطه ))  😳 ٠٠٠ زى (( نقاط العيش )) كدة بالظبط ٠٠٠ 

وبعد كدة العداد هيبدأ يعد عليك طول ما أنت سايق وعمال بتعمل مخالفات

 

طيب ازاى ؟؟

لو أنت سايق وبتكلم فى الموبايل وشافك عسكرى المرور ٠٠٠ 

هيروح خاصم منك (( نقطة ))  وبكدة يبقى رصيدك من النقاط المتبقى لدى الدولة ٠٠٠

 (( ٢٩ نقطة )) لو بعد شويه أتهبلت فى عقلك وركنت (( صف تانى )) هتلاقى 

ظابط المرور جه وعلقلك لزقة علي العربية بتاعتك بإن حضرتك راكن مخالف ٠٠٠ 

وبناء عليه فقد تم سحب (( نقطتين )) من رصيد حضرتك

جيت تانى يوم ركنت مخالف بس المرة دى عملت إعاقه لسيولة المرور ٠٠٠ 

فا هتلاقى (( ظابط المرور )) معلقلك ورقة مكتوب عليها إن حضرتك أتسحب منك 

(( ٣ نقاط )) يعنى المخالفة الأولى أم (( ٥٠ جنيه حاليآ )) هتبدأ غرامتها (( بنقطه ))

 لو عملتها (( أول مرة )) ٠٠٠ والمخالفه التانيه أم (( ١٠٠ جنيه حاليآ )) 

تبدأ غرامتها (( بنقطتين )) لو عملتها (( أول مرة ))

والمخالفه التالتة أم (( ١٥٠ جنيه حاليآ )) هتبدأ غرامتها (( ٣ نقط )) 

لو عملتها (( أول مرة )) وبعد كدة بتبدأ النقط (( تتضاعف )) فى حال إذا ما تم 

(( تكرار نفس النوع من المخالفة ))

 

يعنى اايه الكلام ده ؟؟

لو (( أتكلمت في الموبيل )) لتانى مرة هيتخصم منك (( نقطتين )) ٠٠٠

ولو أتكلمت لتالت مرة في المرة التالتة هيتخصم منك (( ٣ نقط )) كاملة ٠٠٠

ولو ركنت (( صف تانى )) لتانى مرة هيتخصم منك (( ٤ نقط )) وفى 

(( الركنة التالته )) (( ٦ نقط )) ٠٠٠و لو ركنت مخالف (( وأعقت الطريق )) 

لتانى مرة هيتخصم منك (( ٦ نقط )) مرة واحدة ٠٠٠وفى المخالفة التالتة 

لإعاقه المرور هيتخصم منك (( ٩ نقط )) مرة واحدة ٠٠٠

وهيفضل كدة عداد النقاط بتاعك شغال طول ما أنت بتعمل مخالفات ٠٠٠

لحد لما ربنا يكرمك و ال (( ٣٠ نقطة )) بتوع السنة بتوعك يخلصوا 😃

طبعآ فى ناس هتخلصهم بعد شهر وفى ناس بعد شهرين وفى ناس بعد عشرة 

وفيه ناس مش هتخلصهم أصلا وأنت وشطارتك بقي ٠٠٠ المهم إن هما أول ما يخلصوا وتتقفش بعدها فى (( كمين مرور )) ٠٠٠ هيتم سحب الرخصة منك (( لمدة شهر )) 

 

وفي خلال الشهر ده طبعآ مش هتقدر تسوق عربيتك٠٠

 

بس هتسوق عربيه تانيه المرور هيبقى مجهزهالك اللى هى عربية (( مدرسة القيادة )) وده لأنك هتدخل (( إجبارى )) (( لمدرسة القيادة )) عشان تتعلم قوانين المرور مره تانية ٠

وبعد الشهر لما يخلص هيتعملك (( إمتحان سواقة ))  وهتقف فى الصف زيك بالظبط 

زى البنت اللى عندها ١٨ سنه واللى لسه كل لما تيجى تدور العربيه تطفى منها 😂

 

واللى هى ممكن تنجح وأنت لأ ٠٠٠ 😃 المهم :-

لو أنت نجحت فى الإمتحان هيقولولك ألف مبروك ٠٠٠ وهيبعتوك علي الخزنة  😂

هتروح علي الخزنة عشان تدفع غرامه ال (( ٣٠ نقطة )) اللى أنت أستهلكتهم 😁

اللى هما غالبآ قيمتهم هتبدأ من (( ٣ آلاف جنيه )) لحد (( إلى ماشاء الله ))  😃

أمال أنت فاكرها سايبة ولا إيه ٠٠٠ 😂

بعدها هتقدر تستلم رخصتك وتسوق عربيتك عادى خالص زى باقى الناس  😃

اللى فات ده كله كان فى حالة إنك (( خلصت كل نقاطك قبل إنتهاء مده السنه )) ٠٠٠

 

 طب لو مخلصتهمش ؟؟

لو مخلصتهمش يبقى هتتحاسب عادى وقت (( التجديد ))  لما هتروح تجدد رخصة عربيتك بعد سنة ٠٠٠ هيقولولك روح هات (( براءة الذمة )) ٠٠٠ 

هتلاقى (( براءة الذمة )) طالع فيها عدد النقاط اللى أنت أستهلكتها طول السنة ٠٠٠

ولو مثلآ أنت أستهلكت (( ٣ نقط )) فقط طول السنة ٠٠٠

والتلت نقط من نفس نوعية المخالفة (( مخالفة إعاقه الطريق مثلآ )) ٠٠٠ 

دى قبل كده كنت هتدفع علي ال ٣ مخالفات (( ٤٥٠ )) جنيه دلوقتى هتدفع المخالفات 

بس بال (( التكرار )) : النقطة الأولى (( ١٥٠ جنيه ))

والنقطة التانية : (( ٣٠٠ جنيه )) والنقطه التالتة : (( ٤٥٠ جنيه ))

يبقى المجموع لنفس المخالفات (( ٩٠٠ جنيه )) فقط لاغير 😁٠٠٠

تخيل بقه نفسك إنك أستهلكت ٢٠ نقطة وال ٢٠ نقطه طلعوا (( لنفس المخالفة )) ٠٠٠

أقعد أحسبها هتلاقى نفسك لابس فى ال (( ٣٠ ألف جنيه ))