سائق الاصطباحة.. "بيلف حشيش وسط الركاب" (فيديو)

"إقامة كمائن مزودة بلجان طبية"..اقتراح تم تنفيذه من خلال وزارة الداخلية خلال الفترة الماضة للكشف على السائقين المتعاطين للمواد المخدرة، والتأكد من عدم تعاطيهم أى مخدر، من أجل سلامة المواطن من الدرجة الأولى ومن ثم سلامة السائقين.

 فقد، تداول نشطاء مواقع التواصل الاجتماعي مقطع فيديو لسائق علي خط العاشر - الهرم يتعاطي سجائر الحشيش علي الطريق وسط الركاب غير مهتم بالطريق .

من جانبه، قال محمد فاروق، على حسابه الشخصى "فيس بوك" أن المشكلة الحقيقية تكمن فى كون الذى يقوم بعملية التصوير والجالس إلى جانب السائق كان يجب عليه ان يعترض، وردد قائلا: " المشكلة ان البيصور قاعد فى الكرسى بجانب السواق المفروض كان اعترض واتخانق مع السواق والكل كان يقف فى صفه ولكن الزبون المحترم عمل أضعف الإيمان وصور فقط ولو كان انقلبت العربية" .  

فيما قال محمد حيدر ساخراَ، " الراجل بيصطبح علشان يوصلكوا بمزاج، وبعدين مش أى حد يعرف يرول وهو سائق وكمان على الدائرى يا بنى دى مهاره غير عادية، تحسو كده برنس فى نفسه".

بينما قال أحمد عبد العزيز، أن الخطأ لا يقع على الحكومة بمفردها بينما يقع على المواطنين أيضا، وردد قائلا: " دى بصراحة مش غلطة الحكومة لوحدها دى غلطتكم انتم كمان و غلطتك انت كمان كان المفروض تكلمه و تقول له كده ممنوع و مينفعش و المفروض كمان إدارة المرور تعمل أرقام للشكوى من الحالات الي ذى دى و الناس تتصل و تشتكى و يتعمل له كمين و يتمسك" .  

وفى سياق متصل، روى ياسر المصرى، قصته مع شراء السيارة الميكروباص، حيث قال : "انا اشتريت ميكروباص علشان اشتغل عليه وقعد معايا تلات شهور وكنت بدور على سواق وكان شرطى الوحيد انه مبيشربش الزفت دة وللأسف ملقتش انا عايز اقولك مش واحد بس اللى بيشرب دور على واحد بس من سواقين الميكروباص ميكنش بيشرب كلهم ضريبة رقم واحد" .

تجدر الإشارة إنه تم إعلان ،عن إجراء تحاليل دورية ومنتظمة للسائقين على الطرق لكشف متعاطي المخدرات ، أن ذلكيتم بالتنسيق مع وزارتى الداخلية والصحة.