بيان علي المشايخ
الخميس، 21 سبتمبر 2017 12:25 ص
معتز بالله عبد الفتاح يكتب:
كل عيد هجري وحضراتكم بخير.
راجي عفو الخلاق معتز بالله الحلاق يقترح أن أي حد يفتي فتوة دينية لازم يطبقها علي نفسه وفقا لنظرية بيان علي المعلم. ونسأله بعدها ازيك بقی؟
مثال 1
اللي يفتي بجواز نكاح زوجته المتوفاة لازم ينكح كذا واحدة ميتة ويورينا هيعملها ازاي.
ونسأله بعدها ازيك بقی؟
مثال 2
اللي بيعتبر أن شرب السوائل اللي وقعت فيه ذبابة من السنن المهجورة التي ينبغي احياءها فلازم نشربه عصير ذباب لمدة أسبوعين.
ونسأله بعدها ازيك بقی؟
مثال 3
ارضاع الستات للكبير حتي يحرم عليهن، لازم اللي يفتي بالكلام ده نجرب مع زوجته وبنته واخته امامه. ونسأله بعدها ازيك بقی؟
مثال 4
اللي يفتي أن شرب بول الأبل من السنن المهجورة وأنه شفاء للأمراض ده لازم يشرب كل يوم 3 شوب بول مع كل واجبة.
ونسأله بعدها ازيك بقی؟
اللي يفتي فتوي لازم يجربها بدل ما يجرب فينا... #مشكدهولاايه؟
