المعديات بالغربية.. موت وخراب ديار ورعب مع بداية العام الدراسي الجديد

معديات متهالكة ومجرى نهري غير ممهد وقائد معدية لا يشعر بالمسئولية، وشرطة المسطحات المائية تحصل الغرامات والمياه ترجع لمجاريها، ومسئول ترك مسئوليتة لملك الموت ليحصد الأرواح متناسي مهام وظيفته، ويبقى الحال على ما هو عليه والمطر يركب المعدية.


في مركز ميت غمر الملاصقة لمحافظة الغربية يوجد 5 معديات وهم؛«العسال، نوال، السنطين، المعصرة، كفر نعمان» ومنها من هم مرخصين ومنهم لا، 3 معديات تربط بين مدينة ميت غمر بمحافظة الدقهلية ومدينة زفتى بالغربية وتقدر أجرة الفرد بنحو 2 جنية.


كما تشهد قرية نفيا،  و ومدينتي سمنود والسنطة بمحافظة الغربية عدد كبير من المعديات النهرية،  يستخدمها جميع فئات العمرية المختلفة ففي بعض المناطق لا يوجد و سيلة للعبور للبر الثاني سوى استقلال المعدية.


ومع بداية عام دراسي جديد تبدأ مرحلة الرعب والمعاناة اليومية بين الأسر المتواجدة بقرى ومدن الغربية مستقلي المعديات، ترصدها لكم <<صوت الأمة>>.



قالت خيرية مصطفى  ربة منزل انا عندي 3 اولاد بوديهم المدرسة كل يوم وبدفع 16 جنية مواصلات يوميا رايح جاي  دا غير الخوف اللي بيكون فيه ولادي على ما نوصل للشط، هو لية المسئولين مش حاسين بينا، بقي موت وخراب ديار.



وقال ابو عبدالله موظف، المعديات دي معظمها غير مرخص ومتهالك بس مفيش بديل وبيحصل حالات غرق كتير وكل يوم نركبها نقول يا رب سلم دا غير كمان اجرتها اللي ذادت بناشد المسئولين يشوفوا حل للمعديات دي علشان بس العيال الصغيرة.



وقال سعيد الجمال صاحب معدية الحوادث دي قضاء وقدر انا راجل عندي رخصة وماشي مظبوط بس المشكلة ممكن المعدية  تتعلق في ورد وعشب النيل، او عدم اتزان، او احد الركاب يفلت ايده حاجات ملناش يد فيها ودا اكل عيشنا والاجرة ذادت لان كل حاجه غليت حتى الحبل اللي المعدية مربوطة بية بقى بعشر أضعاف تمنة قبل كده.


وقالت منال عبدالحكيم ممرضة معظم الحوادث بتكون من جشع صاحب المعدية عايز يحمل اكبر عدد في كل مره مش ملتزم بالوزن المظبوط واكتر من مره تنقلب، ضرورة متابعة مستمرة ورقابة دي المدارس جايه وربنا يسلم.


ومن جانبة أكد اللواء طلعت منصور السكرتير العام لمحافظة الغربية انة تم حصر معظم المعديات وادراجها ضمن ميزانية المحافظة وجاري العمل ووضع خطة لحل مشاكل المعديات النهرية للحفاظ على أرواح المواطنين.

 

 

اقرأ أيضا:

الهيئة العامة للنقل النهري تتحدى الوزارة.. تسعيرة المعدية 25 قرشا لربط بين محافظتي الغربية والدقهلية.. أصحاب «المعديات» يهددون بالإضراب.. ورئيس الهيئة: «القرار هيتنفذ بكرة»