«اشتروا الكراريس».. الأدوات المدرسية تغزو شوارع الإسكندرية.. «أولياء الأمور»: الأسعار نار وما باليد حيلة.. و«التجار»: أبو العيال ممكن يجيب شنط بأكثر من 1000 جنيه (صور)

مع اقتراب بداية العام الدراسي الجديد، يبدأ أولياء الأمور في وضع خطة لحساب تكليفات الشنط المدرسية والكشاكيل والأقلام والدروس الخصوصية، وغيرها من المصاريف وكل مرحلة دراسية تختلف عن الآخر فى الحساب.

وعلى الجانب الآخر يبدأ أصحاب المكتبات في الاستعداد لبدء العام الدراسي ويقومون بعرض أفضل ما لديهم من أدوات مدرسية وشنط وكشاكيل، وتختلف طرق العرض من مكان إلى آخر الكل يتنافس على طريقته في هذا الماراثون.

«صوت الأمة»، ترصد أسعار الأدوات المدرسية لهذا العام بمنطقة المنشية وسط الإسكندرية وردود أفعال الباعة وأصحاب المكتبات، وأيضا أولياء الأمور. وكانت البداية مع الحاج محمود السيد صاحب فرش لشنط المدارس الذي قال: «إن الأسعار السنة دي مرتفعة عن العام الماضي».

وأضاف «السيد»، أن أسعار الشنط تتراوح بين (165 إلى 320 جنيهًا) ،وبالرغم من ارتفاع الأسعار الناس بتشتري بس بتعاني جدا بالأخص إللي عنده أربع أطفال أو خمسة، ممكن يدفع ألف جنيه في الشنط بس، وده كتير على وليٌ الأمر والشنط كلها مستوردة مش صناعة مصرية.

وقال إسلام موسى فرج، صاحب محلات ورق وأدوات مدرسية بمنطقة المنشية الإقبال السنة ضعيف عن العام السابق بسبب الزيادة في الأسعار، ويعتبر الارتفاع الضعف، ما أثر على شراء ولى الأمر بدل ماكان بياخد كميات بقي بياخد إعداد أقل.

واستكمل «موسى»: «ارتفاع الأسعار أثر في شراء الجملة حيث قلة الكمية الكبيرة إلى كنت بجيبه السنة اللي فاتت إلى الربع.. والإقبال ضعيف بس وليٌ الأمر مجبر هيعمل آيه لازم يشتري.. وكان الأول ممكن ياخد كميات، أم الآن المطلوب بس مش أكتر».

وقال محمد أحمد، بائع بأحد المحلات، إن حركة البيع والشراء لسه شويه علشان العيد قرب وكان فى حركة الفترة الى فاتت من المصطفين كانوا بيشتروا على أساس انى احنا ارخص من عندهم فى السعر.

وقال أحد أولياء الأمور الذي كان يشتري بعض المستلزمات لأبنائه الطلاب، واحد في الأول الابتدائي والثاني في الصف الرابع والثالثة في الصف الخامس أنه بيجي يشتري من المنشية علشان بتبيع الكراسات والكشاكيل بأسعار أرخص بكتير من المكتبات الأخرى.

وأشار إلى أن كل عام الأسعار تزيد عن السنة اللى قبلها مرة يقولوا علشان الدولار ومرة علشان البنزين وده بيخلينى اشترى حاجة واحدة بس ومجبش غير المطلوب على عكس السنين الى فاتت كنت بجيب بالدست واشيل فى البيت لكن بجد السنة دى الاسعار نار ولازم اشتري علشان العيال تكمل تعليمها.