رواد فيس بوك يتهمون «سائق مترو» بترك كابينة القيادة لتناول الشاى (فيديو)

تدول رواد مواقع التواصل الإجتماعى فيديو قالوا أنه لأحد سائقى مترو الانفاق الذى تارك القطار بالمحطة وذهب لتناول الشاى مع مدير المحطة.

رواد فيس بوك قالوا نصا :«بمناسبة الاهمال اللى فى سكك حديد مصر و اللى ادى الى المصيبة اللى حصلت فى حادث القطار نفس الاهمال فى مترو الانفاق بزيادة و انتظروا الكوارث فى اقرب وقت اولا الفيديو ده فى محطة مترو الدمرداش و الحال الدائم لازم المترو يقف فترة طويلة و انت لو بتستخدم المترو و بتمر على الدمرداش حتأكد كلامى.

كما لو كان سائق المترو مالك للمترو اصلا و بيجبى على الناس و ده طبعا راجع لمدير المحطة اللى بينزلوا علشان يعملوا شاى ويدردشوا شوية فى مكتبه كما هو الحال في الفيديو و فى غيره فيديوهات كتير خاصة ان الدمرداش هى المحطة الوحيدة اللى فيها الكلام ده و ده ممكن يؤدى الى حادث القطر بالظبط غير عطلة مصالح الناس بخلاف القيادة السيئة للمترو و الفرملة اللى توقع اللى واقف».

تابع رواد فيس بوك: «عايزين نشوف حل للموضوع ده و لازم نبقى ايجابيين».

وأضافوا :«زى ماهو واضح فى الفيديو المترو مافيهوش اى اعطال و يا ريت حد يفهمنا احنا نقدم شكاوى لمين و فين خصوصا تم الشكوى لناظر المحطة اكثر من مرة بلا جدوى و يا ريت نعمل شير للفيديو يمكن يوصل للمسئولين عن المترو»