حقيقة هدم مركز أورام طنطا وتشريد مئات المرضى

تداول رواد موقع التواصل الاجتماعي، «الفيسبوك»، صورا لقرار صادر عن محافظ الغربية، بهدم «مركز أورام طنطا»، وتشريد مئات المرضى، دون مراعاة لأي أبعاد إنسانية بشأن هذا المرض اللعين.

وكتب رواد «الفيسبوك»: «السنة اللي فاتت وزير الصحة كان عندنا وكنا عاوزين موافقته لبناء الدور الخامس واستكمال الرابع، علما بان الدور الرابع متبرع بيه أبو دشيش وعاملينه للاطفال، المهم بعت لجنة من كلية هندسة جامعة عين شمس كان توصيتها بأن يتم ترميم المبنى، وبعدين فجاة صدر قرار اللجنة النهائي يوم 30 / 7 بهدم المبنى في خلال شهر لأنه غير أمن».

وتابعوا:«من القهر اللي ورا الموضوع جمعية رعاية مرضى الأورام، لإنها المنافس الوحيد لينا ومش بالمجان،  ولو اتهد المركز مش هيبقي في غيرها تعالج مرضى الأورام في طنطا، وهي بتعالج غير القادرين على نفقة الدولة، وهي صاحبة المصلحة في الهدم لإن الإتنين لازقين في بعض، والمكان الجديد اللي اتخصص لينا جنب القناة السادسة وكام سنة بقى عشان يتجهز، وهينقلو المرضى والموظفين لمستشفى جراحات اليوم الوحد في كفر الزيات، عدد موظفي المركز 1100، وبنستقبل 600 مريض يوميا، عيادة الباطنة لوحدها بتستقبل 200 غير الجراحة والعلاج الكيماوي والكشف المبكر، والتبرعات اللي اتصرفت عليه تيجي أنت يامحافظ بكل سهولة تزيل المبني دا في ثواني بدون التحقيق في الواقعة».

 

وقالوا:«نفسي أفهم يعني ايه إخلاء مبني ضخم زي دا والمرضي اللي بيجيوا من كل المحافظات حيروحوا فين، يعني يموتوا مثلا علشان ترتاحوا
وإيه البديل دا مستشفي كفر الزيات حاجه صغيره ومفهاش التجهيزات اللي تستحمل الاعداد الضخمه دي،   وبعدين مبني زي دا يتشال مرة واحدة وفجأة بقي قايل للسقوط 

مرة واحدة وبدون مقدمات نهائيا، ازاي يعني ، والعمليات تتوقف مرة واحدة وبدون اي مقدمات والمرضي تروح فين ؟؟؟ وبعدين يقولك حنوفر مكان تاني نعمل قيه المستشفي والأرض بتاعة المعهد إنشاء الله تروح فين، الناس كلها شايفه المعهد وزي الفل مفهوش مشكله نهائيا وبيخدم مرضي كتير جدا علي مستوي الجمهورية، وفيه اسانسيرات جديدة لسه معموله بمليون جنيه، ومعامل ومخازن جديدة، واتعمل قسم للاطفال جديد ، واللجنة اللي جت من سنتين لتعليه المبني دورين قالوا المبني يصلح للتعلية، فجأة كده عاوزين يزيلوه».