صدفا تغرق في مياه المجاري والبيوت آيله للسقوط (صور)

كارثة حقيقية، قد تقع بين ليلة وضحاها، وتؤدي إلى سقوط مئات البيوت بمدينة صدفا جنوب محافظة أسيوط، جراء ارتفاع منسوب المياه الجوفية، بسبب بيارات الصرف وضيق الشوارع، وقدم البيوت التي تضم مئات الأسر الفقيرة، التي ليس لها مأوى آخر، وتنتظرالموت تحت أنقاض منازلهم. 

«ببات في الشارع أنا وعيالي خوفاً من أن البيت يقع علينا» بهذه الكلمات استقبلنا أحمد سعيد، من أهالي مدينة صدفا جنوب محافظة أسيوط، وتابع قائلاً: «المياه الجوفية مش بتخلص وليل ونهار بننذح بالجردل وذي ما انتي شايفة كدة الحوائط راشحة للسقف والبياض بيقع من الرشح والبيت ممكن يقع في اي لحظة وحياتنا عبارة عن طول النهار ننزح في الميه وبالليل بأنام في الشارع انا وعيالي حد يغيثنا من المسؤلين». . 

وصرخت سيدات الشارع: «حرام اللي احنا فيه تعالوا شوفونا عايشيين ازاي طول النهار، وسط مياه الصرف بترشح، والأطفال مريضة من رائحة مياه البيارات وسيارات الكسح ترفض دخول الشارع  وبتطلب 80 جنيه في المرة بدلا من 40 جنيه ورافضة تدخل لأن الشارع ضيق».

وقال أحمد همام: «عايزين نكلم الرئيس ينقلنا في شقق الاسكان الاجتماعي، مدينة صدفا بالكامل تغرق في مياه الجوفية والبيوت آيلة للسقوط، وأهوه شوفوا البياض بيخلع ويقع ازاي ومش عارفين ننام من مياه المجاري».