طالبة تدعي تبديل أوراق إجابتها بالثانوية العامة على «فيسبوك»

قامت طالبة بالصف الثالث الثانوي تدعي هدير النجار بعمل منشور على موقع التواصل الإجتماعي فيس بوك، تؤكد من خلاله استبدال أوراقها بأوراق طالبة أخرى في امتحانات الثانوية العامة.

وحكت أخت الطالبة تفاصيل الواقعة قائلة: «هدير كانت بتقول ليا أنا بكتب بخط حلو عشان أنا عارفة إنهم بيعطوا درجات علي الخط الكويس، الخط اللي احنا شوفناه النهاردة في كراسات الإجابة خط حد مابيعرفش يكتب أصلا».

وأضافت: «يعني إيه لما نروح مدرسة الثانوية العسكرية في المنصورة اللي فيها التظلمات ونلاقي نماذج إجابات المواد بتتباع برا فنقرر اننا نشتري كل نماذج الإجابة لكل المواد وناخدها معانا مع أننا كنا متاكدين أنه فيه غلط في الدرجات دي، يعني إيه انا وأختي ندخل ونبدأ بمادة الأحياء في المراجعة وتقول أنا هروح أتاكد من رسمتي وكان فيه اختيارين في السؤال ده... أما تختار رقم أ وكان السؤال فيها انها ترسم الطور المشيجي في النبات، أو تختار رقم ب وكان السؤال فيه انها ترسم الجهاز التناسلي في انثى الإنسان.. هيا اختارت تحل ونعمل السؤال أ وكنا رايحين نتأكد من صحة البيانات اللى علي الرسمة أ فنلاقي أنه أصلا مفيش أ وإن الحل الموجود هو حل السؤال ب يعني إييييييييييه».

وتابعت: «يعني ايه البرجراف بتاع الإنجليزي تكتبه كامل لدرجة أنها ميبقاش مكان للحل ونلاقي في ورقة الإجابة نص الصفحة بس والباقي فاضي !!!!».

وناشدت أخت الطالبة تدخل المسؤلين والتحقيق في هذه الواقعة على وجه السرعة.