كلمة مؤثرة لابنة الشهيد ياسر الحديدي في احتفالية أكاديمية الشرطة أمام السيسي

ألقت عليا ابنة العميد ياسر الحديدي مفتش الأمن بسيناء كلمة مؤثرة أمام الرئيس عبد الفتاح السيسي خلال حفل تخرج دفعة جديدة من طلبة أكاديمية الشرطة.

 

وقالت عليا: «والدي توفي 8 مارس بالعريش عشان يدافع عننا، بابا كلمنا وقال إنه مسافر العريش وأنا كنت خايفه قوي وقولتله ارجع قاللي لو أنا رجعت وغيري رجع مين هيحمي بلدنا، أنا مسافر عشان أخلص بلدنا من الإرهاب وهرجعلك، كنت زعلانة جدا وكل شوية كنت أكلمه، ولما عرفت استشهادة مصدقتش لأنه أب ميتعوضش».

 

وأضافت عليا: «اللي مصبرني على فراقه إني عرفت يعني إيه شهيد؟ يعني بطل، وفي الجنة وحولينا وبيحس بينا، عشان كده أنا بذاكر، وهحقق حلمه إني أكون دائما من الأوائل». 

 

ووجت عليا ابنة الشهيد كلمة للإرهابين ومن يدعموهم: «رجال الجيش والشرطة مثل الحفرة مستمرون ومنتشرون وسيسقط هؤلاء الخونة في هذه الحفرة».

 

 اقرأ أيضا 

 

الرئيس السيسي يشهد مراسم تسليم وتسلم القيادة بين طلاب أكاديمية الشرطة