خبط بالعقل.. أردوغان للإخوان «طبلي طبل».. فرنسا تعرض أدلة لدعم قطر للإرهاب «مدد مدد».. استر ياري الإرهاب كان هيدمر مدينة نصر.. اسأل والرئيس يجيب.. سحر نصر تاني أقوي سيدة عربية

سحر نصر تصنف ثاني أقوى سيدة عربية

الست المصرية معروفة بجابروتها وقوتها..ست كدة سلكة تلاقيها حمالة قاسية وقد المسئوليات الكتير اللي فوق دماغها من إشي غسيل وتنظيف وتربية العيال والشغل..بس والله كله كوم والخناق مع الراجل إللي هو جوزها كوم تاني أصل دة بيستنفز منها مجهود كبير وضخم جدا..والمثال بقي علي قوة الست المصرية هي سحر نصر الوزيرة أصل  "فوربس" اختارتها لتصنف ثانى أقوى سيدة عربية بالقطاع الحكومى فى 2017..فعلا ما يجبها غير ستاتها..

اسأل الرئيس والرئيس يجيب

بدون خوف ولا حرج ولا حبس ولا شد في نصاص الياللي..هتقدر تبعت أي سؤال يجي في دماغك لسيادة معالي رئيس الجمهورية..وهيرد عليك كمان.. علي "أسال الرئيس" دة خلال مؤتمر الشباب..طبعا كلنا عارفيين إن الرئيس السيسي مهتم جدا بالكلام مع الشباب..ويسعي للتواصل المباشر له.. وكل دة هيعزز الثقة ومد جسور الحوار بين المواطنين والقيادة السياسية..ربنا يحميك من العين يا سيسي..أنت نور عنينا والنعمة..أسال الرئيس وهو هيجابوك..

الإرهاب كان هيدمر مدينة نصر لولا الأمن الوطني

هي الناس دية دين أبوها ايه؟..بتفكر إزاي ومع مين ضد مين؟..أنتوا إزاي عيشين كدة؟..بتشوفوا الدم عادي؟..وحرقة قلب أم علي ابنها حاجة عندكم بسيطة؟..لية كدة بجد؟..

 الأمن الوطنى يحبط أضخم مخطط لـ"حسم الإرهابية" لاغتيال ضباط ومستشارين وإعلاميين.. مقتل مسئولى اغتيالات الحركة ومنفذو حادث قول أمنى بمدينة نصر.. القتيلان حاولا اغتيال المستشار أحمد أبو الفتوح..حسبي الله ونعم الوكيل فيكم بجد..نشوف فيكم يوم..

فرنسا تعرض أدلة لدعم قطر للإرهاب

يادي قطر وسنينها السودة..كل يوم تقرير وكلام عنها..بس الحاجات دية بتقول ايه عنها؟.. كلهم أكدوا دعمها للإرهاب.. دة في أدلة "دعم الإرهاب" تلاحق قطر فى مؤتمر باريس.. مدير المخابرات الفرنسى الأسبق: هجرت شبابنا للقتال فى سوريا والعراق.. والمشاركون بالمؤتمر: يعتزمون تقديم بلاغات ضد الدوحة..ويؤكدون: تمول 242 جمعية إخوانية فى فرنسا..بس دة مش فرنسا بس اللي بتقول الكلام دة دول كتير بتاكد دة..ولا هينفع تستخبي ولا حتي تستحمي من ذنوبك يا قطر.. بس ربك مبيفوتش..وبكرة تشوفي..

وصلة نفاق إخواني للتطبيل لـ أردوغان

"ادروغان" وما ادراك من هو "اردوغان"..طاغي ودكتاتور كبير..بيمشي بلده بأمر الجماعة وبسس..ملوش علاقة باحتياج الشعب والناس أهم حاجة "الجماعة عوزة إيه"؟؟؟.. بس ربك مبيسيبش وصلة نفاق إخوانى لـ"أردوغان".. الجماعة تحشد عناصرها بإسطنبول لدعم أردوغان فى ذكرى الانقلاب العسكرى الفاشل..القرضاوى يتجاهل انتهاكات الرئيس التركى ويطالب الاتراك بدعمه..وإخوانى منشق:الجماعة انتهت تمامًا..يارب يا خويا تنتهي ونخلص من دية مناظر و..ة..أقعدوا بالعافية