مي كساب لـ «غادة عبد الرازق»: «ما تضايقيش نفسك ربنا غفور رحيم»

أعلنت الفنانة مي كساب، عن تضامنها من النجمة غادة عبدالرازق، في أزمتها الحالية التي تواجهها بسبب الفيديو الذي انتشر عبر مواقع التواصل الاجتماعي، والذي ظهرت فيه «غادة» وهي تتحدث مع جمهورها من خلال لايف على صفحتها، وظهر جزء من جسدها أثناء الحديث.

وقالت «مي»، إن اعتذار «غادة » لجمهورها عمل كبير ومحترم منها وأن دموعك غاليه جدا.

وكتبت الفنانة مي كساب، عبر حسابها الشخصي بموقع التواصل الاجتماعي: «أنا عمري في حياتي ما باقول غير الحق أبويا رباني على كده ودي شهادة حق وواجب عليه لازم اعمله أنا بقالي 17 سنة بأشتغل في المهنة دي مثلت تقريبا مع كل الوسط الفني #غادة_عبدالرازق من أجدع وأنضف الشخصيات اللي ممكن تشتغل معاها ست جدعة وأم حنينه جدا لبنتها الطيارة المحترمة روتانا قزاز أنا اشتغلت معاها فيلم طول الوقت كانت حنينة وجدعة معايا ومع غيري بتحب شغلها بتحترم الصغير والكبير وفوق كل ده طبعا دي موهبة عظيمة وكبيرة أستاذة وأنا شاهدة أنها مش بتعرف تنام غير لما تاخد دوا فعلا وناس كتير عارفة تأثير الدوا المهديء ده إيه اعتذارك حاجة كبيرة ومحترمة منك ودموعك غالية جدا ما تضايقيش نفسك ربنا غفور رحيم وهوه أرحم من البشر بكتير وكل إنسان بيفهم ويرى بعينه هوه وأنا عن نفسي صدقتك وسامحتك وفخورة بيكي ربنا يخليكي لبنتك وأحفادك وكل اللي بيحبوكي (أنا مش عارفة ليه نوصل إنسان إنه يبكي بالشكل ده قدام ناس كتير ويبان مكسور كدة من الفضيحة، إحنا للاسف بننصب المحاكم لغلطات الناس وننسى نفسنا، بل بالعكس بنعصم نفسنا من الخطأ».