خبط بالعقل.. قطر اتعمل معاها الصح.. داعش تهدد باستخدام طائرات إرهابية بدون طيار.. الجزيرة تفقد 12 مليون متابع.. الحرارة بكرة 38.. لو تخنت في رمضان اشرب مياه

قطر تفشل فى إقناع الدول المقاطعة بفتح المجال الجوى أمامها

لا طايرة تخرج ولا تروح عندهم عارفين موقف الرجالة اللي بجد دة اللي السعودية والامارات والبحرين ومصر عملته مع قطر..وقطر تفشل فى إقناع الدول المقاطعة بفتح المجال الجوى أمامها..وطبعا كلنا عارفين أنهم قطعا العلاقات الدبلوماسية مع قطر متهمينها بدعم جماعات إسلامية متشددة وإيران..بس خلاص ومن الاخر انسي يا قطر..

"الجزيرة" تفقد 12 مليون متابع بعد حذف حسابها على "تويتر"

حصل حجب للمواقع او لا  الناس هي اللي بتقرر..يعني الموضوع مباقش سياسية دولة علي قد ما هو رأي شخصي..فهمت حاجة اكيد لا اصبر عليا وانا هفهمك..بص بقي "الجزيرة" تفقد 12 مليون متابع بعد حذف حسابها على "تويتر" اليوم..أصل إدارة "تويتر" أغلقت الحساب بعد انتهاكه لقوانين النشر ودعمه للعناصر والمنظمات الإرهابية وسعيه لزعزعة الاستقرار بين دول الخليج العربى..بس يعني خسارة وخراب علي الجزيرة..عقبال ما كل الناس تفهم حقيقية ارهابية هذه القناة  ومواقعها..

الشرطة الأوروبية تحذر من تهديدات داعش باستخدام طائرات بدون طيار

كيميائي وبيولوجي وإشعاعي ونووي يا سنة سوخة يا ولاد..هو في ايه وليه؟..أصل في تهديدات من داعش  باستخدام طائرات بدون طيار..نعم طيارات من غير طيار ازاي يعني؟..أه والله دة اللي حذر تقرير لجهاز الشرطة الأوروبية "يورو بول" عن الإرهاب وقال إن في  تهديدات مستقبلية محتملة لتنظيم داعش الإرهابى وتشمل هجمات تفجيرية عبر طائرات بدون طيار مسلحة إضافة إلى إمكانية استخدام أسلحة غير تقليدية "كيميائية وبيولوجية وإشعاعية ونووية"..بجد ربنا يستر ويعديها علي خير..مش كدة ولا إيه؟..

دهب بتاجر شقتها لممارسة الرذيلة بنهار رمضان

إحالة شبكة "دهب" للمحاكمة بتهمة ممارسة الدعارة فى التجمع الخامس..عنوان غريب يعني إيه شبكة متهمة بممارسة الدعارة؟..بس الحقيقة ان دة اسم للسيدة صاحبة الشقة المشبوهة اللي بتاجرها في نهار رمضان شوفوا الفجر لممارسة الرذيلة مقابل خمسمائة جنية مصري..يعني كدة دهب خسرت دنيتها واخرتها والحمد لله..في نهار رمضان يا قادرة استغفر الله..

هيئة الأرصاد تحذر من ارتفاع درجة حرارة الطقس..غدا درجة الحرارة 38

الحر والصيام دونت ميكس والمصحف..هيئة الأرصاد تحذر من ارتفاع درجات حرارة الطقس بكرة وعشان احنا صايمين فالازم نشرب ماية كويس من الفطار للسحور انهارة..وعشان المفاجأة تكمل بكرة درجة الحرارة 38..صوتي يا انشراح علي الحر اللي جية ولا راح..

لو وزنك زاد في رمضان اشرب ماية كتير وابعد عن الكافيين

نصيحة علي الماشي..لو وزنك زاد فى رمضان والموضوع بقي صعب ومش عارف تعمل ايه..انا هقولك الحل..اشرب ماية كتير اوي من الافطار للسحور..التقليل من المشروبات التى تحتوى على كافيين مثل القهوة والشاى لسلبها السوائل من الجسم.. تناول وجبات متوازنة تعتمد على الخضروات والكربوهيدرات والبروتينات والدهون.. اختيار الوقت المثالى لممارسة التمارين مثل بعد صلاة التراويح أو صلاة العصر..أقعدوا بالعافية..