السيسى: الدولة جادة لحل مسألة البحيرات بشكل كامل

قال الرئيس عبد الفتاح السيسي، إن مصر بها عدد من البحيرات ومنها بحيرة المنزلة حدث لهم إهمال وفقدنا هذه الأماكن كمزرعة طبيعية للأسماك بشكل كبير في مصر، وتعرض بضعها لضرر شديد للتعدي من المزارع السمكية غير العلمية وحتى الصرف الزراعي والصناعي فيهم بدون معالجة، مؤكدا أن الدولة تسير في برنامج لاستعادة البحيرات وبدأت بالمنزلة.

وأكد الرئيس السيسي في كلمة مؤتمر إزالة التعديات على أراضي الدولة، أن الدولة جادة لحل مسألة البحيرات بشكل كامل، مضيفا: «احنا هنخلي البحيرة حاجة كويسة ومنطقة رزق كبير مش بس للصيادين ولكن على أن البحيرة نفسها يبقى فيها كورنيش وخلفها مدن مخططة بشكل جيد وناس تعيش فيها وتحصل على رزق كويس».

وتابع: «الناس هتبص على اللي بنعمله دلوقتي بخصوص البحيرات تضيق عليهم حتى لو مخالفين، واحنا مش بنضيق عشان مش بنحبهم ولكن عشان نرجع مرة تانية البحيرات ونستفيد منها الاستفادة القسوة»، موجها رسالة للجميع: «نحن جادين في استعادة البحيرات وسنستعيدها».