خبط بالعقل.. ارفع رأسك فوق أنت مصري.. السيسي يعيد للمصري جبروتة وقوته.. الحقي يا حكومة الكارثة محافظ الجيزة باع الناس وبيعرض حياة 50 أسرة للموت.. ابعد عن السوشيال ميديا وغني لها عشان ولادك ميجلهمش توحد

وجع في القلب وحسرة بعد حادث المنيا

1**عياط وصراخ وحرقة ووجع في قلب وبيت كل مصري مسلم أو مسيحي بسبب حادثة "المنيا"..قام مسلحون بإطلاق النار على حافلة تنقل أقباطا كانوا في طريقهم لزيارة دير الأنبا صموئيل بالمنيا وتسبب ذلك بمقتل 28 شخصا وإصابة 26 آخرين بجروح خطرة.. إللي حصل دة مش أول مرة يحصل ولا أخر مرة علي فكرة..بس إللي نقدر نقوله إن الإرهاب قاصد يعمل فتنة ويخلوا المسحيين ميطقوش المسلمون وميقلوش لإخواتهم "رمضان كريم"..بس أكيد إختوانا الأقباط فهمين وعرفين إن دة خدعة وتوقيعة بنا..بس لازم وقفة عشان كفايا دم.. الخلاصة إن  مصر دية حضارة 7 ألاف سنة  يعني مصر  تمرض  ولا تموت و لن تموت.

السيسي يعيد للمصري جبروتة وقوته 

2**إرفع راسك فوق أنت مصري..عارف يعني  إيه  أنت مصري؟..يعني عندك استعداد تموت بس وأنت راسك مرفوعة..يعني العزة والكرامة والشجاعة..يعني لامؤخذة محدش يقدر يقف في وشنا..ودة إلي سيادة الرئيس السيسي عمله لما شن وبداء الحرب علي الارهاب بالضربة العسكرية في ليبيا..الضربة دية في الحقيقة كانت رد اعتبار للمسحيين والمسلمين يعني للمصريين كلهم.. ووراها رسالة قوية وهي اننا  مش هنسكت بعد اليوم  لا علي رفع علينا السلاح ولا علي اللي دعمه او اواه او موله واللي مش عارف يسطر علي نفسه وإلي معاه  احنا قادرين نسيطر.. ليبيا كانت بداية المطاف ونحن  في انتظار القصاص بكل من تسول له نفسه بمد يد الاذي لاي مصري.. تحييا مصر..

عمرة "ختمة القرآن" بـ161 ألف

3** لو عايز تختم كتاب الله فى مكة أختموا في بيتك.. أصل عمرة "ختمة القرآن" بقت غالية أوي تخيل كدة أنت مسافر تعمل عمرة وتجدد روحانيتك وكدة..وتتعورلك بـ 161 ألف جنيه تكلفة عمرة "ختمة القرآن"..يبقي الحل المنطقي إنك  متسافرش وتختم القرآن في بيتك والفلوس دية تطلعها لله أو تأكل بيها الغلابة هيبقي ثواب كبير عند ربنا..

الحقوا قبل الكارثة يا حكومة محافظ الجيزة يتخلي عن وعده بإزالة 3 منازل آلية للسقوط 

4** الحقوا قبل الكارثة يا حكومة.. محافظ الجيزة يتنصل من وعوده بإزالة 3 منازل آيلة للسقوط بمنطقة الوراق ويعرض حياة 50 أسرة للموت ورئاسة الحى بيقول "الناس تهد بيوتها بمعرفتها"..يعني المحافظ وعد وخالي بوعدة إلي هيدفع الثمن أرواح أبرياء كل ذنبها إنها فقراء..دة معناه إيه؟..الرحمة لا تشتري من  قلوب لا تعرفها..

أبعد السوشيال ميديا وغنيلها عشان ولادك ميجلهمش توحد  

5** نصيحة علي الماشي..توحد وإحساس بالرفض من الأخريين.. عاوز تفهم معني الكلام دة هقولك بس سيب الموبايل من إيديك.. في دراسة طبية جديدة طلعت في جريدة "الديلي ميل"  أن الآباء الذين يستخدمون "فيس بوك" ومواقع التواصل الاجتماعي بكثرة يعاني أطفالهم من التوحد والإحساس بالرفض.. أدي أخرة السوشيال ميديا واللي بتعملوا فينا..من الأخر كدة الإفراط في إستخدام الأشياء يضر صحتك..كل حاجة بالمعقول بتخليك تبقي تمام.