خبط بالعقل.. السيسي: «أقسم بالله طول مانا عايش مش هسيب حد ياخد حاجة مش بتاعته».. لـ«داعش»: «إنتم دين أبوكم أيه؟».. بطيخ وخوخ وكانتلوب مسرطن في الأسواق.. ترامب بيترفعلوا الشبشب زي الرجالة المصرية

والله وعلموها الرجالة ورفعوا رأس مصر.. السيسي: أقسم بالله طول مانا عايش مش هسيب حد ياخد حاجة مش بتاعته 

1** سمعنا من يومين كدة عن ناس استولوا على أراضي الدولة دون وجه حق، والريس أدخل في الموضوع.. بدات الداخلية التدخل في الحوار بقت وحرب شرسة.. وانهاردة  والسيسي بيبفتتح مشاريع دمياط قال للصوص الأراضي «أقسم بالله.. طول ما أنا عايش مش هسيب حد ياخد حاجة مش من حقه.. منباقش رجالة وعندنا مروءة لما نسمح أن حد يمد إيده على أرض بلدنا ونسيبها له.. وأي مأمور قسم أو مدير أمن أو محافظ أو مجلس محلي لا يسمح أنه يتسرق أرض بلده أصل كل شخص يستولى على أراض الدولة دون حق.. هو لص ومغتصب ودي أرض مصر واللي ياخدها دون حق هو لص ومغتصب وحرامي أيا ما كان هو مين».. اللي عايز يتحداني فهو بيتحدى حق من حقوق ربنا في الأرض، وأنا معنديش مصلحة ومفيش بيني وبين حد مشاكل واللي بيني وبينك حق ربنا وحق الناس».. فده معناه إيه بقى أن الأجهزة السيادية نقلت للرئيس إن بعض كبار الحيتان والحرامية مستئين من اللي حصل وإنهم عايزين يتحدوا الرئيس شخصيا ودا اللي كلنا استشفيناه كمواطنين من كلامهم الإعلاميين المطلوقين على الدولة والرئيس في الأيام اللي فاتت من ساعة ما حملة استعادة أراضي الدولة المنهوبة ابتدت.. والريس قرر المواجهة.. وهينسف أي حد يستولى على أراضي مصر.. «ربنا يخليلنا الريس».

«شاومينج» يظهر في إسرائيل

2** دة بقي حاجة دولية.. مع «شاومينج»، مفيش لا مستحيل ولا حتي سقوط في المدارس.. دة  بقى الحل الوحيد في العالم لنجاح الطلاب.. ذكرت القناة الثانية بالتلفزيون الإسرائيلية أن وزارة التعليم الإسرائيلية قررت اليوم إلغاء امتحان مادة الرياضيات الذي أجرى أمس في المرحلة الثانوية بسبب تسريبه على مواقع التواصل الاجتماعي.. وإحنا إللي كنا فاكريين إن حد في وزارة التربية والتنعليم هو إلي بيسرب الامتحنات لـ«شاومينج».. دة شكله مكشوف عنه الحجاب.. طب إيه الحل؟.. لازم وقفة متينة ونعرف لو «شاومينج عليه عفريت نصرفه»..

بطيخ وخوخ وكانتلوب مسرطن في الأسواق.. ياوقعة سودة يا ولاد

3** سرطان ونزلات معوية.. يا سنة سوخة يا ولاد.. تقدم أحد النواب بطلب إحاطة موجه لوزير الصحة بسبب انتشار البطيخ والكنتالوب والخوخ المسرطن.. طب هو عريف منين إنهم متسرطنين.. قال أيه بقي الفاكهة أصبحت من الحجم الكبير والمنتفخ ودة على غير الطبيعي.. مش بس كدة لا كمان أن المزارعين يلجؤون لاستخدام بعض المواد الكيميائية لزيادة حجم البطيخ وتسريع نموه ودة يساعد في إنتاج ما يعرف بـ«البطيخ المنتفخ».. استني أنت لسة مشفتش حاجة دة كمان في مواد كيماوية لزيادة حجم الكنتالوب والخوخ بشكل يجعلها تبدو للناظرين صحية وفاخرة، وتسمى هذه المادة (forchlorfenuron) وهي شديدة الخطورة على صحة الإنسان.. بجيب لينا أيه بقي الإصابة بالسرطان وتلف الأعصاب وتدمير الصحة العامة للإنسان.. أنا شيفة إننا منكلش فاكهة برة البيت.. نزراعها أضمن فوق السطوح عشان نوفر ونبقي ضمنينها.. لا ناكل فاكهة ليه أصلا.

قتل محتجين في تونس والسلطات تنفي استخدام الرصاص 

4** القتل هو الحل.. مش كدة ولا ايه؟.. تقريبا هي سياسية واحدة في دول العالم لما بيطلع ناس بتعترض على الأنظمة الحاكمة للدولة.. ودة إللي حصل لبعض المحتجين في تونس.. بس نفت السلطات التونسية استخدام الرصاص الحي في تفريق المحتجين بمدينة تطاوين جنوبي تونس والتي شهدت مصرع شابين في الاحتجاجات التي توسعت ووصلت إلى قلب العاصمة التونسية.. دة مش بيفكرك.. غمض عينك وأرجع بشريط حياتك 6 سنين لورا وأنت هتفهم لوحدك إن دية سياسية دولية لاي حد بيحتج علي نظام أو حاكم.. لا ديمقراطية بتنفع ولا ديكتاتورية بتشفع.

محمد دياب في مهرجان «كان»

5** تحيا مصر.. أزي إحنا منقولش لمحمد دياب المخرج والمؤلف الموهوب مبروك على اختياره كتاني مصري بعد يوسف شاهين كمحكم في مهرجان كان.. وقع اختيار مهرجان كان السينمائي المقرر بدء فعالياته غدا الأربعاء على المخرج والمؤلف محمد دياب ليكون عضواً في لجنة تحكيم مسابقة «نظرة ما».. مين بقي إي معاه تترأس لجنة تحكيم المسابقة هذا العام النجمة الأمريكية أوما ثورمان والممثل الفرنسي رضا كاتب والمخرج البلجيكي خواكيم لافوس والتشيكي كاريل أوك المدير الفني لمهرجان كارلوفي فاري السينمائي.. والنعمة دية حاجة تشرف وتفرح.. ربنا معاك يا دياب.

ترامب بيترفعلوا الشبشب زي الرجالة المصرية  

6** تعالا بقي لما احكيلك وأقولك علي الإفيه المتين.. مش ترامب إللي هو رئيس أمريكا طلع بيترفعلوا الشبشب ههههههه.. بتقولوا مين يا ولاد «ترامب».. ده مطلعش الرجالة المصريين بس دة الموضوع منتشر في العالم كله.. أصل  ميلانيا ترامب إللي هي مرات ترامب رفضت بالإمساك بيد زوجها «ترامب» ده طبعا بعد أن مد ترامب يده نحوها محاولا إمساك يدها دة كان فين بقي.. وهما على السجادة الحمراء بعد وصولهما «تل أبيب».. بس المشكلة بقي إنها المشهد دة أتصور وظهر على شاشات التلفزيون أمام الملايين.. السؤال بقي إيه إللي يخليها تحرجه بالمنظر دة قدام الناس؟.. أنا متأكدة إن دة وراه إناااا هنعرفها الأيام اللي جاية.. يلا باي.

لداعش.. إنتم دين أبوكم أيه
7** نقدر نقول إن الإرهاب لا دين له ولا دولة له أيضا.. يعني الإرهاب ملوش علاقة بالإسلام ولا بمصر.. في ضربة جديدة للإرهاب داخل القارة الأوروبية سقط 22 قتيلا و60 مصابا في تفجير انتحاري استهدف قاعة احتفالات «مانشيستر ارينا» في الساعات الأولى من صباح الثلاثاء وسط حالة من الطوارئ فرضتها الأجهزة الأمنية داخل بريطانيا.. السؤال بقي من الجاني؟.. ومن المستفيد من موت أشخاص أبرياء لا علاقة لهم بنظام أو دولة؟.. أقولك على مفاجأة بقي إن تنظيم «داعش» الإرهابي إللي ظهرت معرفش منين دية تعلن مسئوليته عن «هجوم مانشستر أرينا».. إنتم دين أبوكم أيه؟؟؟..

أكتر من نص ساعة في المواصلات هتجبلك اكتئاب

8** معلومة على الماشي.. دراسة طبية جديدة بتقولك إن قضاء أكثر من نصف ساعة في المواصلات تتسبب في زيادة نسبة إصابتك بالاكتئاب.. وأنا أقول أنا مكتئبة ليه.. الحمد لله عرفت السبب.. طب الحل إيه؟.. إنك تتحرك وأنت في الأتوبيس أو المترو ولو حتي في الميكروباص بدل مع زميلك إللي جنبك.. أقعدوا بالعافية.