الرئيس السيسي: «طول ما أنا في مكاني مش هاسيب الناس كدة»

وجه الرئيس عبدالفتاح السيسي، حديثه لمصطفى مدبولي وزير الإسكان: «أنا عايز الصور الموجود فيها بيوت الناس العشوائية قبل النقل لمناطق الإسكان الاجتماعي».

وقال الرئيس السيسي، في أثناء افتتاح مشروعات قومية بدمياط، اليوم: «أنتم عارفين أنا بوريكم الصور دي يا مصريين، عشان تعرفوا إننا لازم نستحمل شوية عشان نشيل الحاجات دي من حياتنا، صحيح الدنيا غالية، بس إحنا بنغير عشان خاطر الناس اللي مش قادرة».

وأضاف: « أنا بقول للمواطن البسيط إحنا كلنا معاك وبنغيرلك، مش هنسيبك هنا، مش هنسيب أطفالنا يطلعوا كدة»، موضحا: «الأمور مش بالبساطة اللي أنتم فاكرينها، عشان تحول حياتك لأفضل مش بالراحة والبساطة، في معاناة لازم ندفعها».

وحول ربط الإجراءات الصعبة بشعبيته، علق الرئيس: «لو حد قال لي خلي بالك الناس مش هتحبك، ما يجراش حاجة، ولو قالوا الشعبية، ميجراش حاجة، بس المهم منبقاش كدة، لا يمكن طول ما أنا في مكاني أسيب الناس كدة أبدا، وأنا عارف إن المصريين بيعانوا».

يشهد الرئيس عبدالفتاح السيسي، افتتاح عدد من المشروعات القومية الكبرى بمحافظة دمياط، منها مدينة دمياط للأثاث، ومستشفى دمياط العسكري، ومستشفى الطوارئ، بجانب عدد من العمارات السكنية التي جرى الانتهاء منها بمشروع «دار مصر».