‏ نظرا لغلاء الأسعار.. شاب يطلب «جزمة» ليحضر بها حفل زفافه وكانت المفاجأة

البداية كانت حينما أقدم شاب مصري على طلب حذاء يرتديه أثناء زفافه، نظرا لارتفاع الأسعار في الآونة الأخيرة ولقلة إمكانياته المادية والتي منعته من شراء حذاء جديد.

وقال الشاب في منشور له على موقع التواصل الاجتماعي «فيسبوك»: «يا شباب فرحي يوم الجمعة ونزلت اشتري جزمة للبدلة لقيت أسعار عالية وانتوا عارفين هتتلبس ساعتين وهتتركن، لو حد معاه جزمة 44 تنفع فرح يديهالي أحضر بيها الفرح وأرجعهاله».

وعقب نشر الشاب منشوره ، انهالت عليه الردود من أغلب محافظات مصر، التي توحي بحالة من الفرحة والبهجة، وتوضح مدى «الطيبة والجدعنة» التي يمتلكها المصريين، ووقوفهم مع بعضهم في الأزمات والمحن.

كانت بعض الردود كالآتي: «معايا جزمة تركي بوز طويل نعل جلد تعالي خدها أنا في مدينة نصر»، «الجزمة موجودة يا باشا كلمني في أي وقت ونتقابل ان شاء الله وألف ألف مبروك»، «ما شاء الله بجد أن مش مصدق اللي انا شايفه .. مبروك يا باشا وربنا يبارك في الرجالة الخدومة ، حاجة تفرح» ، «والله يا غالي اللي معايا 43 لو هتنفع معاك عيني وربنا يعينك يارب ويرزقنا ويرزقك».

وتابع بعض الشباب: «أنا عندي جزمتين 44 ما تلبسوش غير مرتين تلاته، بس أنا في طنطا ، لو تؤمر ابعتهملك الاتنين والشحن على حسابي والله، وألف مبروك ياباشا وربنا يتمملك علي خير»، «المحل اللي على هواك والجزمة اللي تدخل دماغك شاور وروح هتلاقيها في بيتك» ،«معلم وربنا ما هتلبس غير واحده جديدة ومن أجدع مكان تختاره أنت، ارسلي رقم حساب بالدولار، أو رقم بطاقتك ، واسم أقرب بنك ليك، دي نقطتك يا أجدع شاب في الدنيا».