السيسى عن القرى الأكثر فقرا: «عايزين نكون إيجابيين أوى تجاه أهلنا»

قال الرئيس عبد الفتاح السيسى، إنه عند تناول مشكلة مثل القرى الأكثر فقرا، نلقى الضوء عليها نلفت نظر الجميع من الدولة وحتى المواطنين والمؤسسات، مردفاً: «أفكر المصريين أنه أثناء الترشح قلت عاوز أعمل الصندوق فيه 100 مليار جنيه على جنب».

 

وأضاف خلال مداخلة هاتفية لبرنامج «كل يوم»، على فضائية (ON E)، مع الإعلامى عمرو أديب: «احنا لازم نتصدى، احنا المصريين ميصحش يكون فيه ناس وسطنا ناس كده وننام.. وكننت عارف ان الحجم محتاج أموال ضخمة جداً، عشان نخش على القرى دى ونخلص على الموضوع ده مرة واحدة».

 

وتابع:« مش بس على قد اننا نستعيد ونخلى البيت آدمى بس عشان ندى الفرصة للناس دى تعيش بشكل كويس.. واحنا كمصريين عايزين نكون مهتمين بنفسنا وإيجابيين أوى تجاه أهلنا، عشان نقول إن احنا المشاكل دى اللى باعتبرها إنسانية واجتماعية قبل أى حاجة أخرى نخلصها ونخلص منها، وكنت بتمنى انا خلال المدة دى أكون خلصت ده».