أهالي البداري بأسيوط: نتعرض يوميا للموت غرقا ونحتاج لـ«كوبرى» (صور)

معاناة يومية يعيشها أهالي 11 قرية بمركز ومدينة البداري، بشرق النيل بمحافظة أسيوط، أثناء التنقل من قرية إلى أخرى لمباشرة أعمالهم وزراعاتهم ومدارسهم ويحتاجون إلى إنشاء كوبري حفاظا على حياتهم.

قال محمد مصطفى: الأهالى يقعون فى مشكلة لا حل لها إلا بوجود كوبرى؛ لأن زراعاتهم شرق الترعة السوهاجية، وبيوتها غرب الترعة والناس بتعدي وهي تحمل المنتجات الزراعية، وهناك مدرستان شرق الترعة والكل بيعدي على «المرامة» (المعدية) 4 براميل وصاج، وأقرب كوبري لنا على بعد 3 كيلو مترات، وكل الأهالى شغالين على نفس الوضع.

وتابع إحنا عايزين كوبري في أسرع وقت، صوتنا هنا مش طالع والناس غلابة، وعلى الله والناس الغلابة محدش بيفكر فيها ليه؟

وأضاف حسان علي: العيال تيجي من المدارس من الشرق إلى الغرب والعكس، والجماعة الغربيين زرعهم شرق، ولو واحد تعبان و«المرمّة» في الجهة الغربية ينتظر ساعة عشان حد ينقذه، وإحنا طالبين كوبري، من شرق 7 قرية و5 قري من الجهة الغربية، يعني «المرمّة دي» بتخدم أكثر من 11 قرية وكله هنا «مرامات» (معديات)، الكباري بعيدة والمواصلات غالية وأديكو شايفين حال الناس.

وشرح فوزي شحاته، هذا الوضع قائلا: عشان نيجي ناخد طلباتنا من الغرب، عيش وسكر، وكل يوم بنيجي من الشرق للغرب والمحصول بتاعنا من الغرب، ومن فضل ربنا إنكم جيتوا وشفتونا وشفتوا المعاناة اللي إحنا فيها كل يوم.

وقال الحاج زيدان خلاف، إحنا طالبين كوبري نعدي بيه من الشرق للغرب وأنا بعدي 7 مرات في اليوم وشايل الموتور وبقع بيه من شرق ومن غرب،  ومستعدين للتبرع بأرض من هنا حتى الشرق لعمل كوبري.

4

5

4