شاهد.. النص الكامل لكلمة السيسي تعليقا على الأحداث الإرهابية (فيديو)

علق الرئيس عبد الفتاح السيسي، على الحادثتين الإرهابيتين التي بكنيسة المرقسية بمدينة الأسكندرية، خلال احتفالات المسيحين بيوم أحد «الشعانين»، قائلًا: «أنا مش هقول إن اللي سقطوا مسيحين أو مسلمين إنما هم مصريين، وافتكروا إنهارده 3 من شهر 7  وهو نفس اليوم في شهر 7 سنة  2013، اللي طلبنا فيه تفويض لمكافحة الإرهاب، وأحنا طلبنا التفويض ده مش علشان مواجهة محدودة، والمصريين أفشلوا مخططات دول وتنظيم إرهابية فاشلة، وإحنا قولنا قبل كده إن المواجهة طويلة ومستمرة هيتم فيها التضحية بكثير قضاه وضباط ومسيحيو مصر».

وأضاف: «اللي بيتعمل ده محاولة لتقطيع وتمزيق المصريين، واتعملت إجراءات ضد السياحة والاقتصاد ضدكم وانتوا صامدين، ودلوقتي بقت محاولات الجماعات للدخول في نسيج المجتمع علشان يففكوا كتلته، وإحنا لازم نخلي بالنا علشان مستقبل مصر وشعب مصر، وإحنا نجحنا في سيناء فبدأوا التحرك في مكان ثاني وثالث، والمواجهة كده، ولازم تعرفوا أن النزيف ده غير اللي بيحصل في دول تانية، ولا بد ان يحاسب المجتمع الدولي الدول التي تدعم الإرهاب اللي بندفع ثمنه استقرارنا وضحايا من مصر».

وتابع: «بقول للمصريين اصمدوا إحنا قادرين على هزيمة الإرهاب والقتلة والمخربين، وأنا طبعا بعد المؤتمر اسمحولي اقولكم على الإجراءات التي ستتخذ، وهي إعلان حالة الطوارئ لمدة 3 شهور، وإحنا بنعلن حالة الطوارئ علشان نحافظ على البلد، بالإضافة إلى تكليف للأجهزة الأمنية بتكثيف جهودها لضبط الجناة، وكذلك أشدد أن يكون الخطاب الإعلامي متعاملًا مع الأمر بكل مصداقية ومسئولية ووعي».

وواصل: «لازم تخلوا بالكم، والخطاب الديني لابد من تجديده وعلى مؤسسات الدولة أن تتصدى بمسؤولية للإرهاب، ونحن اتخذنا قرار بتشكيل المجلس الأعلى لمقاومة ومكافحة الإرهاب في مصر، والمجلس هيصدر بقانون وسيأخذ صلاحيات كاملة لمكافحة الإرهاب وسيكون تكوينه من كافة المؤسسات، وكل التقدير للشعب المصري لصلابته، ولن يستطيع أحد النيل من هذا البلد».

كانت الحكومة قد أعلنت  الحداد لمدة 3 أيام على ضحايا حادث تفجيري الإسكندرية وطنطا، وذلك بعد استشهاد نحو 46 شخصا فى تفجيرين استهدفا الكنيسة المرقسية فى الإسكندرية، ومار جرجس فى طنطا، كما أصيب العشرات أيضا جراء التفجيرين.